చెట్టుపేరు చెప్పుకునే హీరోలే అంతా... తమ్మారెడ్డి సంచలన పంచ్

చెట్టు పేరు చెప్పుకుని తిరిగే హీరోలే:

టాలీవుడ్ మొత్తం లో మరీ నిర్మొహమాటంగా కుండబద్దలు కొట్టినట్టు మాట్లాడే అతికొద్దిమందిలో తమ్మారెడ్డి భరద్వాజ ఒకరు. రెండు రోజుల క్రితం జరిగిన ఫ్యాన్ వార్ లో వినోద్ అనే యువకుడు ప్రాణాలు కోల్పోవటం విచారకరం. ఈ ఘటన పై స్పందిస్తూ ‘చెట్టు పేరు చెప్పుకుని తిరిగే హీరోలే ఎక్కువ అయిపోయారు' అని వ్యాఖ్యానించారు. తమ్మారెడ్డి భరద్వాజ.

ఓ గట్టి నిర్ణయం తీసుకోవాలి:

ఏదో కంటి తుడుపుగా అభిమానులు గొడవలు పడొద్దు అంటూ స్టేజీలెక్కి చెప్పినంత మాత్రాన ఏ ప్రయోజనం లేదని.. ఇలాంటి గొడవల్ని నివారించడానికి హీరోలందరూ ముందుకొచ్చి ఓ గట్టి నిర్ణయం తీసుకోవాలని తమ్మారెడ్డి అన్నారు.

కత్తులతో దాడులా? :

తమ అభిమాన హీరోల్లో ఎవరు గొప్ప అనే వాదనలతో మొదలై.. కత్తులతో దాడి చేసుకునే స్థాయికి విభేదాలు ముదరడం తీవ్రమైన విషయం అని..

పెద్ద హీరోలు కలిసికట్టుగా:

చిరంజీవి, బాలకృష్ణ, నాగార్జున, వెంకటేష్ లాంటి పెద్ద హీరోలు కలిసికట్టుగా ఏదైనా చేస్తే తప్ప ఇలాంటి సంఘనటలు ఆగవని ఆయన అన్నారు. అభిమానుల్లో ధ్వేషం పెరగడానికి సినిమాల్లో వచ్చే పిచ్చి పిచ్చి పంచ్ డైలాగులు కూడా కారణమని తమ్మారెడ్డి చెప్పారు.

ఆత్మపరిశీలన అవసరం:

ప్రస్తుత హీరోలందరూ బాగా చదువుకున్నవాళ్లేనని.. ఇలాంటి డైలాగుల విషయంలో ఆత్మపరిశీలన చేసుకోవాలని కనీసం ఇప్పుడైనా కాస్త వాస్తవిక ధోరణిలో ఆలోచించాలనీ అభిప్రాయ పడ్డారు.

మా రోజుల్లో ఇలా కాదు:

తమ రోజుల్లోనూ అభిమాన సంఘాలున్నప్పటికీ.. ఇలాంటి దారుణమైన ఘటనలు లేవని.. తాను.. దాసరి లాంటి పెద్దవాళ్లు ఏదైనా చెబితే వినే పరిస్థితి లేదని.. హీరోలు ఈ విషయంలో పునరాలోచించుకోవాలని ఆయన అన్నారు.