పాట కోసం యేడు కోట్ల ఖర్చు!!!

By Staff

Published: Thursday, March 12, 2026, 2:58 [IST]

బాలీవుడ్ లో హాట్ టాపిక్ దాదాపు యేడు కోట్ల రూపాయలు ఒక సాంగ్ కోసం ఖర్చు పెట్టటం. ఆ సాంగ్ లో నటించే అదృష్టాన్ని అక్షయ్ కుమార్ పొందాడు. అతను హీరోగా చేస్తున్న 'సింగ్ ఈజ్ కింగ్' అనే సినిమాలో ఈ సాహసం చేస్తున్నారు. అంతకు ముందు అక్షయ్ కుమార్ 'భాగమ్ భాగ్' లో ఒక కోటి రూపాయలు తో పాట తీయటం విచిత్రంగా చెప్పుకున్నారు. మళ్ళీ అదే రకంగా అక్షయ్ కమార్ కి ఆఫర్ రావటం మిగతా హీరోలు కుళ్ళుకునేటట్లు చేస్తోంది. ఈ సాంగ్ లో అక్షయ్ ఫేమస్ అమెరికన్ పాప్ సింగర్ Snoop Dogg తో డాన్స్ చేస్తారు.

విపుల్ షా దర్శకత్వంలో రెడీ అవుతున్న ఈ సినిమాపై ట్రేడ్ లో విపరీతమైన అంచనాలు ఉన్నాయట. దాంతో వాటిని అందుకోవటానికి ఈ రకమైన జిమ్మిక్కులు చేయాల్సి వస్తోందిట. ఆ పాటని Snoop Dogg టీమ్ నేతృత్వంలోనే భారీగా చిత్రీకరిస్తారట. ఒక రకంగా ఈ పాటతో అంతర్జాతీయ మార్కెట్ ని కూడా ఆకర్షించే ప్రయత్నంగా దర్శక నిర్మాతలు భావిస్తున్నారట. ఇక ఈ సాంగ్ లో చేస్తున్న అక్షయ్ ఆనందానికి ఐతే అంతే లేదుట. అందులోనూ ఆ పాప్ సింగర్ ఆల్బమ్స్ ని అక్షయ్ చాలా కాలంగా ఫాలో అవుతున్నాడట. ఇవన్నీ ప్రక్కన పెడితే మన తెలుగుకి యేడు కోట్లనేది మంచి యాక్షన్ సినమా చేసే బడ్జెట్.అంటే అక్కడ పాట మన సినిమా రేంజి అన్నమాట.

More from Filmibeat