శర్వానంద్ చెయ్యకపోతే నేనే చేస్తా: రామ్‌ చరణ్‌(ఫొటో ఫీచర్)

చిత్రం తొలి సీడీని రామ్ చరణ్‌, శ్రీహరి ఆవిష్కరించి శర్వానంద్ తల్లిదండ్రులకు అందించారు. ప్రస్దానం దర్శకుడు దేవకట్టా చిత్రం డైలాగ్ ట్రైలర్‌ను విడుదల చేశారు.

''విశాల్‌ భరద్వాజ్‌ లాంటివాళ్లు హిందీలో చేస్తున్న ప్రయోగాత్మక చిత్రాలు వాణిజ్యపరంగా విజయవంతమవుతున్నాయి. ఇక్కడ శర్వానంద్‌ ఆ తరహా చిత్రాలు చేస్తున్నారు. అలాంటి స్వేచ్ఛ మాకూ కావాలి. శర్వా నాకు పదో తరగతి నుంచి పరిచయం. నాకున్న సన్నిహిత మిత్రులు ముగ్గురిలో శర్వా ఒకడు. వారే శర్వానంద్, విక్రమ్, రానా. ఈ ముగ్గురూ నా లైఫ్‌లో చాలా ఇంపార్టెంట్ రోల్స్ ప్లే చేశారు. శర్వా ఈ చిత్రం ద్వారా నిర్మాతగా కూడా మారడం ఆనందంగా ఉంది. 'శంకర్‌దాదా ఎమ్‌బీబీఎస్‌' నుంచీ తను విభిన్నమైన మార్గంలో వెళ్తున్నాడు. ఈ సినిమా తప్పకుండా ప్రేక్షకాదరణ పొందుతుంది. అందుకు మంచి ప్రచారం అవసరం. శర్వా చేయకపోతే నేనే స్వయంగా వచ్చి సినిమాను ప్రమోట్‌ చేస్తా'' అన్నారు.

''మగధీరతో నటుడిగా నాకు దాహం తీరిపోయిందనుకున్నాను. కో అంటే కోటితో మరి కొంత దాహం తీరింది. చరణ్‌ 'జంజీర్‌'లో షేర్‌ఖాన్‌ పాత్ర పోషించబోతున్నాను. నేను ఈ సినిమాలో నటించలేదు. దర్శకుడుకి సరెండర్ అయిపోయానంతే.. ఇందులోని నా పాత్రకు ఎంత పేరొచ్చినా ఆ క్రెడిట్ మొత్తం దర్శకునిదే'' అన్నారు శ్రీహరి.

''చిత్ర పరిశ్రమకు వచ్చి పదేళ్లయింది. ఏదో అయిపోదామని సినిమాలు చేయడం లేదు. మంచి కథలు ఎంచుకొని ప్రేక్షకుల్ని రంజింపచేయాలన్నదే నా తపన. దర్శకుడు అనీష్‌ కథ చెప్పినప్పుడే కళ్ల ముందు సినిమా మెదిలింది. చిత్ర పరిశ్రమ, ప్రేక్షకులు నాకు అండదండగా నిలుస్తున్నారు''అన్నారు శర్వానంద్.

హీరో మంచు మనోజ్‌ మాట్లాడుతూ ''ఈ సినిమా షూటింగ్‌కి ముందు శర్వా ట్రైలర్‌ని చూపించాడు. విస్తుపోయాను. 'కో అంటే కోటి' ప్రేక్షకుల్ని అమితంగా ఆకట్టుకొంటుంది''అన్నారు.

అనీష్ సరికొత్త సంతకం ఈ సినిమా అని, శర్వానంద్ లాంటి అభిరుచి గల నటుడు తనకు తోడవ్వడం ఈ సినిమాకు మరింత శోభను తెచ్చిందని శేఖర్‌ కమ్ముల చెప్పారు.