‘లైఫ్ ఈజ్ బ్యూటిఫుల్’లో అదే చెప్తున్నా:శేఖర్ కమ్ముల

By Srikanya

| Published: Sunday, August 5, 2012, 12:46 [IST]

హైదరాబాద్ : పళ్లెంలో ఏమీ లేదు అనుకోవడం కన్నా పోనీలే పళ్లెం అయినా ఉంది కదా అనుకోవడంలోనే ఉంది అసలు ఆనందం. కరెంటు లేదు. గుడ్. వెన్నెల రాత్రుళ్లలో బయట అరుగు మీద కూచుని కబుర్లు చెప్పుకోండి. గ్యాస్ దొరకదు. వెరీగుడ్. నాలుగు ఇళ్లూ కలిసి గ్రూప్‌గా వండుకొని కలిసి మెలిసి భోం చేయండి. ట్రాఫిక్ దారుణం. ఇంకా గుడ్. ఆ పూట సెలవు పెట్టి హాయిగా భార్యాబిడ్డలతో గడపండి. సీ.... మనం కొన్నింటి బాధితులం. ఆ బాధను బాధగా చూడటం కన్నా దానిలో ఆనందం వెతుక్కుంటే బెటర్ అని చెప్పేదే నా రాబోయే 'లైఫ్ ఈజ్ బ్యూటిఫుల్' సినిమా అన్నారు శేఖర్ కమ్ముల

అలాగే లైఫ్ సింపుల్‌గా ఉండాలండీ. ఇరుగు పొరుగువారితో మాటలు... సాయంత్రమైతే పిల్లలతో ఆటలు... వాన కురిస్తే కాగితం పడవలు... వెన్నెల రాత్రుళ్లలో పచార్లు... ఇంతకన్నా ఏం కావాలి. నా 'లైఫ్ ఈజ్ బ్యూటిఫుల్' కూడా ఇలా కాలనీ జీవితమే చెప్తుంది. మీకు తెలుసా? భారీ సీన్లు కావాలంటే నేను మా కాలనీ వాళ్లకు చెప్పేస్తాను... రండి అని. మొన్న ఒక విందు సీన్ తీశాం. అందరూ తయారయి వచ్చి చక్కగా భోం చేసుకొని వెళ్లారు. ఎంత బాగుందో కదా అన్నారు.

ఇక తన ఫెయిల్యూర్ సినిమా లీడర్ గురించి మాట్లాడుతూ...'హ్యాపీడేస్' తర్వాత ఏం చేయాలా అనుకుంటుంటూ ఉంటే 'లీడర్' ఆలోచన వచ్చింది. పొలిటికల్ కరప్షన్, పొలిటికల్ కమిట్‌మెంట్, పొలిటికల్ రెస్పాన్సిబిలిటీ... వీటిని మాట్లాడితే చాలా బాగుంటుందని అనిపించింది. ఆ టైమ్‌కు నాకు వచ్చిన ఆలోచన అది. నేను సేఫ్ ప్లేయర్‌ని అయి ఉంటే మళ్లీ మరో 'హ్యాపీడేస్' లాంటి సినిమా తీసుండేవాణ్ణి. 'లీడర్' ఎందుకు తీస్తాను? నిజానికి ఈ సినిమాను వైయస్ రాజశేఖరరెడ్డి లాంటి సిఎంకు చూపించి ఆయనను కూడా ఇన్‌స్పయిర్ చేసి ఇంకా మంచి పనులు చేయించాలని అనుకున్నాను. బ్యాడ్‌లక్.... సినిమా విడుదలకు ముందే ఆయన చనిపోయారు. సరే.... మిగిలిన వాళ్లయినా దానిని చూసి స్పందిస్తారని, సమాజంలో పెద్ద చైతన్యం వస్తుందని అనుకున్నాను. అంత రెస్పాన్స్ రాలేదు. ప్చ్...అన్నారు.

Comments

English summary

Life Is Beautiful is a coming of age story of six youngsters, set in the beautiful nostalgic world of a working-middle class neighborhood. The film tracks their journey through the different seasons, festivals, romances, street cricket, colony fights, and family gatherings. With the beginning of responsibilities, and adulthood looming around the corner, their dreams and aspirations bring them all together, to make the whole experience magical.

Story first published: Sunday, August 5, 2012, 12:46 [IST]