హోమ్

న్యూస్

యంగ్ రెబల్ స్టార్ ప్రభాస్ హీరోగా రూపొందిన 'సాహో' మూవీ తాజాగా ఓ సెన్సేషన్ క్రియేట్ చేసింది. పాన్ ఇండియా మూవీగా ప్రేక్షకుల ముందుకొచ్చిన ఈ సినిమా.. నిజానికి డిసాస్టర్ అయింది. కానీ బుల్లితెర, ఆన్ లైన్ వేదికలపై మాత్రం సత్తా చాటుతోంది. బాహుబ‌లి త‌ర్వాత ప్ర‌భాస్ న‌టించిన ఈ యాక్ష‌న్ ఎంట‌ర్ టైన‌ర్ భారీ టీఆర్ఫీ రేటింగ్స్ నమోదు చేసి మరోసారి వార్తల్లో నిలిచింది.

సుజీత్ ద‌ర్శ‌క‌త్వంలో యూవీ క్రియేషన్స్ బ్యానర్‌పై భారీ బ‌డ్జెట్‌తో సాహో మూవీ రూపొందింది. ఈ చిత్రంలో ప్రభాస్ సరసన శ్ర‌ద్ధా క‌పూర్ హీరోయిన్‌గా న‌టించింది. ఒక్క హిందీలో తప్పితే మిగ‌తా భాషల్లో ఈ మూవీ ఫ్లాప్ అయింది. దీంతో గతేడాది అక్టోబర్ 19 నుంచి అమెజాన్ ప్రైమ్‌లో తెలుగు, త‌మిళం, మ‌ల‌యాళ వ‌ర్షెన్స్‌ని అందుబాటులోకి తెచ్చారు. దీనికి సూపర్ రెస్పాన్స్ వచ్చింది.

కాగా సాహో హిందీ వ‌ర్షెన్‌ని జ‌న‌వ‌రి 26న జీ సినిమా ఛానెల్‌లో ప్ర‌సారం చేశారు.

అయితే బ్రాడ్‌కాస్టింగ్ ఆడియన్స్ రీసెర్చ్ కౌన్సిల్ (బార్క్) విడుదల చేసిన నివేదిక ప్రకారం 'సాహో' టెలివిజన్ ప్రీమియర్ 128.20 లక్షల వ్యూయర్‌షిప్‌ రాబట్టింది. ఇంత వ్యూయ‌ర్‌షిప్ రావ‌డం గ్రేట్ అంటున్నారు విశ్లేషకులు. బాహుబ‌లి సినిమాతో హిందీ ప్రేక్ష‌కుల‌కి చాలా ద‌గ్గ‌రయ్యారు ప్ర‌భాస్‌. అందుకే సాహో హిందీ వర్షన్ సినిమాకి ఈ టీఆర్పీ వ‌చ్చింద‌ని అంటున్నారు.

ఇకపోతే ప్ర‌స్తుతం జిల్ ఫేం రాధాకృష్ణ కుమార్ ద‌ర్శ‌క‌త్వంలో కొత్త సినిమా చేస్తున్నాడు ప్ర‌భాస్. ల‌వ్ ఎంట‌ర్‌టైన‌ర్ మూవీగా రాబోతున్న ఈ సినిమాలో పూజ హెగ్డే హీరోయిన్‌గా నటిస్తోంది. ఈ సినిమాకు 'ఓ డియర్' పేరును పరిశీలిస్తున్నారు మేకర్స్.