హాట్ గా తయారైంది: మరో స్టార్ హీరో కూతురు ఎంట్రీ (ఫోటోస్)

By Bojja Kumar

Published: Friday, May 20, 2016, 12:06 [IST]

ముంబై: బాలీవుడ్ స్టార్ సైఫ్ అలీ ఖాన్ కూతురు సారా అలీ ఖాన్ హీరోయిన్ గా ఎంట్రీ ఇవ్వబోతోందంటూ కొంతకాలంగా ప్రచారం జరుగుతున్న సంగతి తెలిసిందే. అయితే చదువు పూర్తయిన తర్వాతే బాలీవుడ్ ఎంట్రీ అని ఇంట్లో తేల్చి చెప్పడంతో స్టడీస్ మీదనే ఫోకస్ పెట్టిన సారా కొంతకాలంగా అమెరికాలోని కొలంబియా యూనివర్శిటీలోనే ఉంటూ విద్యనభ్యసిస్తోంది. తాజాగా సారా గ్రాజ్యువేషన్ పూర్తయింది. చదువు ఇంతటితో ఆపేసి ఇండియా వచ్చి సినిమాల మీద ఫోకస్ పెట్టాలని నిర్ణయించుకుంది.

చిన్నతనంలో సారా కాస్త లావుగానే ఉండేది. అయితే హీరోయిన్ అవ్వాలని నిర్ణయించుకున్న తర్వాత అందుకు తగిన విధంగా తయారవ్వాలి కాబట్టి కొంత కాలంగా ఫిజిక్ మీద ఎక్కువ ఫోకస్ పెట్టింది. బాలీవుడ్లో హీరోయిన్ అవ్వాలంటే అందం పరంగా ఏయే క్వాలిటీస్ ఉండాలో అన్ని ఉండేలా...హాట్ లుక్ తో ఆకట్టుకునే తయారైంది.

మరో వైపు సారాను హీరోయిన్ పరిచయం చేసేందుకు బాలీవుడ్ టాప్ డైరెక్టర్లు, ప్రొడ్యూసర్లు పోటీ పడుతున్నారు. ప్రముఖ ఫిల్మ్ మేకర్ కరణ్ జోహార్ ఆమెను తన సినిమా ద్వారా పరిచయం చేసేందుకు ప్లాన్ చేస్తున్నారు. త్వరలోనే ఆమె సినిమా తెరంగ్రేటం విషయమై ఓ క్లారిటీ వచ్చే అవకాశం ఉంది.

సారా సినిమాల్లోకి రావడంపై సైఫ్...
సారా సినిమాల్లోకి రావాలనే కోరికతో ఉన్న మాట నిజమే అని సైఫ్ ఇటీవల ఓ ఇంటర్వ్యూలో వెల్లడించారు. అయితే ముందు చదువు పూర్తి చేయమని చెప్పాను. ఆ తర్వాత ఆమె బాలీవుడ్లో కెరీర్ ఎంచుకున్నా, మరే రంగంలో కెరీర్ ఎంచుకున్నా తమకు ఎలాంటి అభ్యంతరం లేదని సైఫ్ తెలిపారు. తన సోదరి సోహా అలీ ఖాన్ లండన్ స్కూల్ ఆఫ్ ఎకనామిక్స్ నుండి డిగ్రీ పొందిందని, ఆ తర్వాతే సినిమాల్లోకి వచ్చిందని సైఫ్ అలీ ఖాన్ తెలిపారు.

గతంతో పోలిస్తే సారా అలీ ఖాన్ ఇపుడు చాలా హాట్ గా తయారైంది. అందుకు సంబంధించిన ఫోటోలు ఇక్కడ చూడొచ్చు.