హీరో సిద్ధార్థ్ ‘గృహం’ ఇదే...

హీరో సిద్ధార్థ్ ‘గృహం’ ఫస్ట్ లుక్ రిలీజైంది. ఈ చిత్రానికి మిలింద్ దర్శకత్వం వహిస్తున్నారు.

By Bojja Kumar

Published: Wednesday, October 4, 2017, 8:24 [IST]

'బాయ్స్' సినిమా ద్వారా హీరోగా పరిచయం అయి తెలుగు, తమిళంతో పాటు అటు హిందీ సినీ పరిశ్రమలోనూ తనకంటూ ప్రత్యేక గుర్తింపు తెచ్చుకున్న హీరో సిద్ధార్థ్ 'బొమ్మరిల్లు'తో తెలుగులో బాగా ఫేమస్ అయ్యాడు. ఆ తర్వాత తెలుగులో చాలా సినిమాలు చేసినా మళ్లీ ఆ స్థాయి విజయం అందుకోలేక పోయాడు.

త్వరలో సిద్ధార్థ్ 'గృహం' అనే హారర్ సినిమా ద్వారా ప్రేక్షకుల ముందుకు రాబోతున్నాడు. ఈ చిత్రానికి సంబంధించి ఫస్ట్ లుక్ పోస్టర్ రిలీజ్ చేశారు. ఈ చిత్రం త‌మిళంలో అవ‌ళ్‌, హిందీలో ద హౌస్ నెక్స్ట్ డోర్‌.. పేరుతో రిలీజ్ కానుంది.

సీరియస్ హారర్

హాలీవుడ్ తరహాలో సీరియస్ హారర్ సినిమాగా ఈ చిత్రాన్ని తెరకెక్కిస్తున్నారు. మిలింద్ దర్శకత్వం వహిస్తున్నారు. వయాకామ్ 18 మోషన్ పిక్చర్స్ ఈ చిత్రాన్ని నిర్మిస్తోంది.

మూడు భాషల్లో

ఈ చిత్రాన్ని ఒకేసారి తెలుగు, తమిళ, హిందీ భాషలో తెరకెక్కిస్తున్నట్లు సిద్ధార్థ్ వెల్లడించారు. హారర్ థ్రిల్లర్ చిత్రాలను ఇష్టపడే వారికి ఈ చిత్రం బాగా నచ్చుతుందని అంటున్నారు.