Don't Miss!
- Technology 32MP+32MP సెల్ఫీ కెమెరాలతో షియోమీ కొత్త స్మార్ట్ఫోన్.. స్పెసిఫికేషన్లు, ఫీచర్ల వివరాలు..!
- Lifestyle Human Brain Size రోజు రోజుకు పెరుగుతున్న మానవ మెదడు సైజు, రాబోవు కాలంలో బహుషా ఈ వ్యాధులు ఉండవకపోవచ్చు..
- Automobiles భారత్లో లాంచ్ అయిన సుజుకి కొత్త బైక్ ఇదే.. ధర ఎంతో తెలుసా?
- News ఇంటర్ కళాశాలకు వేసవి సెలవులు...ఎప్పటినుంచంటే..?
- Finance Shapoorji Pallonji IPO: షాపూర్జీ పల్లోంజీ గ్రూప్ నుంచి భారీ ఐపీఓ..
- Sports SRH Playing XI: ఆ బౌలర్పై వేటు.. గుజరాత్తో తలపడే సన్రైజర్స్ హైదరాబాద్ తుది జట్టు ఇదే!
- Travel నహర్ఘర్ కోట దెయ్యాల కోటగా ఎందుకు మారింది? ఈ స్టోరీ తెలిస్తే ఆశ్చర్యపోతారు!
భర్త వేధింపులు: పోలీసులను ఆశ్రయించిన సింగర్ కౌసల్య
హైదరాబాద్: సాధారణ మహిళలు మాత్రమే కాదు... సెలబ్రిటీలకు సైతం గృహ హింస, వేధింపులకు గురవుతున్నారు. తాజాగా ఈ లిస్టులో ప్రముఖ తెలుగు గాయని, సంగీత దర్శకురాలు కౌసల్య కూడా చేరారు. తన భర్త వేధిస్తుండటంతో ఆమె పోలీసులను ఆశ్రయించారు. కౌసల్య ఫిర్యాదు అందుకున్న సంజీవరెడ్డి నగర్ పోలీసులు అతనికి కౌన్సిలింగ్ ఇచ్చినట్లు సమాచారం.
కౌసల్య భర్త పేరు బాలసుబ్రహ్మణ్యం. తన చిన్న నాటి స్నేహితుడైన బాలసుబ్రహ్మణ్యంను కౌసల్యం ప్రేమించి పెళ్లి చేసుకుంది. అయితే ఇద్దరి మధ్య ఏం జరిగిందో తెలియదు కానీ.... కొంత కాలంగా ఇద్దరూ విడిగానే ఉంటున్నట్లు సమాచారం. ప్రస్తుతం ఆమె తన కొడుకుతో కలిసి ఉంటోంది.
కౌసల్య కెరీర్ విషయానికొస్తే... పద్మావతి యూనివర్శిటీలో శాస్త్రీయ సంగీతంలో పీజీ పూర్తి చేసిన ఆమె ‘మీ కోసం' సినిమాతో సింగర్ గా కెరీర్ ప్రారంభించారు. తర్వాత ఆమె తెలుగులో సక్సెస్ ఫుల్ సింగర్ గా ఎదిగారు. టీవీ మ్యూజిక్ కార్యక్రమాల్లో కూడా ఆమె పాల్గొన్నారు.
స్వర్గీయ నందమూరి జానకీరామ్ కుమారులు మాస్టర్ నందమూరరి తారక రామారావు, సౌమిత్రి ఈ చిత్రం ద్వారా బాల నటులుగా పరిచయం అవుతున్న ‘దాన వీర శూర కర్ణ' కర్ణ సినిమాకు కౌసల్య సంగీతం అందిస్తుండటం విశేషం. ప్రొఫెషనల్ లైఫ్ లో విజయవంతంగా దూసుకెలుతున్న కౌసల్య... పర్సనల్ లైఫ్ లో ఇబ్బందులు పడుతున్నట్లు తాజా సంఘటన బట్టి తెలుస్తోంది.