బిగ్‌బాస్ హౌస్‌లో బ్రతకడం ఎలా? తెలంగాణ సింగర్ మధు ప్రియ ఉద్వేగం!

తెలుగు బిగ్ బాస్ షోలో మధు ప్రియ ఎంటరైంది. షోలో ఎంటరయ్యే ముందు మధు ప్రియ ఉద్వేగానికి గురైంది.

By Bojja Kumar

Updated: Monday, July 17, 2017, 12:31 [IST]

బిగ్‌బాస్ తెలుగు షో ఆదివారం గ్రాండ్ గా మొదలైంది. మొత్తం 12 మంది సెలబ్రిటీలను పరిచయం చేస్తూ ఎన్టీఆర్ వారిని హౌస్ లోకి ప్రవేశ పెట్టారు. సింగర్ మధు ప్రియ, సమీర్, ముమైత్ ఖాన్, కత్తి కార్తీక, కత్తి మహేష్, ధనరాజ్, అర్చన, సంపూర్ణేష్ బాబు, శివ బాలాజీ, ప్రిన్స్ ఇలా ఒక్కొక్కరిని హౌస్ లోకి పంపారు.

హౌస్‌లోకి ప్రవేశించగానే సింగర్ మధు ప్రియ ఉద్వేగానికి లోనయ్యారు. హౌస్‌లోకి ప్రవేశించే ముందు ఆమె మాట్లాడుతూ.... ఈ షోలోకు ఎప్పుడు వెళ్తానా? ఎలా ఉంటుందనే ఎగ్జైట్మెంట్ ఉండేదని తెలిపింది.

ఎట్లా బ్రతుకుడో...?

మనం ఇంతకాలం టెక్నాలజీ మీద ఆధారపడి బ్రతికాం. కానీ బిగ్ బాస్ హౌస్‌లో 70 రోజుల పాటు సెల్ ఫోన్ కూడా లేకుండా బయటి ప్రపంచంతో సంబంధం లేకుండా ఎలా ఉంటాననే విషయంలో చాలా ఎగ్జైట్‌గా ఉన్నానని మధు ప్రియ తెలిపారు.

ఎన్టీఆర్ కాంప్లిమెంట్

మీరు పాటలు చాలా బాగా పాడతారని, 70 రోజుల పాటు మీ పాటలు వింటూ సరదాగా గడుపుతారని మాత్రం నేను చెప్పగలను. ఆల్ ది బెస్ట్ అంటూ.... మధు ప్రియను బిగ్ బాస్ హౌస్ లోకి పంపారు యంగ్ టైగర్ ఎన్టీఆర్.

అర్చన స్వాగతం

బిగ్ బాస్ హౌస్ లోకి ప్రవేశించిన మధు ప్రియకు నటి అర్చన స్వాగతం పలికారు. హాయ్ అక్కా.... హౌఆర్ యూ అంటూ మధు ప్రియ అర్చనను ఆలింగనం చేసుకున్నారు. వెల్ కం మై సిస్టర్ అంటూ అర్చన ఆమెను రిసీవ్ చేసుకుంది.