కొరటాల ఈ సినిమాలు చేసారని మీకు తెలియదేమో, కొత్తగా కమిటైనవి కూడా

జి నాగేశ్వరరెడ్డి దర్శకత్వంలో వచ్చిన గర్ల్ ప్రెండ్ చిత్రానికి కథ,మాటలు అందించారు. ఈ సినిమాకు కొరటాల పనిచేసారని చాలా మందికి తెలియదు. అందలో రవి-శివ అని టైటిల్ కార్డ్ లో పడుతుంది.

బాలయ్య కెరీర్ లో సూపర్ హిట్ గా నిలిచిన సింహా చిత్రానికి కొరటాల శివ..ఘోస్ట్ రైటర్ గా పనిచేసారని వికీపీడియాలో సైతం ఉంటుంది.

2005 లో బోయపాటి శ్రీనివాస్ దర్శకత్వంలో వచ్చిన భద్ర సినిమాకు రచయితగా పని చేసి మంచి పేరు సంపాదించాడు.

వంశీ పైడిపల్లి దర్శకత్వంలో ప్రభాస్ హీరోగా వచ్చిన మున్నా చిత్రంతో డైలాగ్ రైటర్ గా ఫేమస్ అయ్యారు.

ఎన్టీఆర్ తొలిసారిగా బృందావనం చిత్రానికి పనిచేసారు. ఈ చిత్రానికి సైతం వంశీ పైడిపల్లి డైరక్టర్. స్టోరీ,డైలాగులు కొరటాల శివ వే.

సురేంద్రరెడ్డి దర్శకత్వంలో ఎన్టీఆర్ హీరోగా వచ్చిన ఊసరవెల్లి చిత్రానికి డైలాగు రైటర్ గా కొరటాల పనిచేసారు.

డైరక్టర్ గా తొలి సినిమా ‘మిర్చి' సూపర్ హిట్ కావడంతో కొరటాల వెనుదిరిగి చూసుకోవాల్సిన పని లేకపోయింది.

మహేష్ తో ‘శ్రీమంతుడు' తీయటం, అది పెద్ద హిట్టవటంతో కొరటాల పెద్ద డైరెక్టర్ల జాబితాలోకి చేరిపోయారు.

కొరటాల శివ పుట్టినరోజు ను పురస్కరించుకొని నిర్మాత దానయ్య ఓ ప్రాజెక్టును ప్రకటించారు. రామ్ చరణ్ కానీ అఖిల్ కానీ హీరో అయ్యే అవకాసం ఉందని సమాచారం.

పుట్టినరోజు ను పురస్కరించుకొని మరో సినిమా అధికారికంగా ప్రకటించబడింది. సినిమా పంపిణీ రంగంలో మంచి పేరున్న మిక్కిలినేని సుధాకర్, యువసుధ ఆర్ట్స్ పతాకంపై నిర్మించనున్న మొదటి సినిమాకు కొరటాల శివ దర్శకత్వం వహించనున్నారు.

ఎన్టీఆర్ తో చేస్తున్న ‘జనతా గ్యారెజ్' తర్వాత కొరటాల, మొదట దానయ్య బ్యానర్‌లో సినిమా చేస్తారు. ఆ తర్వాత ఐదో సినిమా యువసుధ ఆర్ట్స్‌పై తెరకెక్కనుంది.

వరుస సినిమాలతో దూసుకుపోతూ తనకంటూ ఓ గుర్తింపు సంపాదించుకుంటోన్న కొరటాల శివకు వన్ ఇండియా తెలుగు తెలుగు పుట్టినరోజు శుభాకాంక్షలు తెలియచేస్తోంది.