రోజంతా గడుపుతా.. నేనే ఎక్కువగా బాధపడుతున్నా.. సోహెల్ కామెంట్స్ వైరల్

Recommended Video

Bigg Boss Sohel Met MLC Kalvakuntla Kavitha | Filmibeat Telugu

అందరూ ఫేమస్..

బిగ్ బాస్ నాల్గో సీజన్ వల్ల చాలా మంది వెలుగులోకి వచ్చారు. అంతకు మునుపు ఎవ్వరో కూడా పరిచయం లేని వారు సైతం సోషల్ మీడియాలో సెన్సేషన్‌గా మారారు. దివి, సోహెల్, అఖిల్, అరియానా వంటి వారికి మంచి క్రేజ్ వచ్చింది. అందరిలోకెల్లా ఇప్పుడు సోహెల్ మాత్రం మంచి ఫాంలో ఉన్నాడు.

ఆటను తిప్పేశాడు..

కథ వేరే ఉంటది అనే డైలాగ్ కొట్టి కొట్టి దాన్ని ఓ బ్రాండ్‌లా మార్చేశాడు సోహెల్. చివరకు నిజంగానే కథ వేరే ఉంటది అని నిరూపించాడు. 25 లక్షలు తీసుకుని ఆటను యూటర్న్ తిప్పేశాడు. మామూలుగా రన్నర్ అవ్వాల్సిన సోహెల్ 25 లక్షలు తీసుకుని సెన్సేషనల్ అయ్యాడు.

బయటకు వచ్చి అలా..

బిగ్ బాస్ విజేత గురించి కాకుండా సోహెల్ గురించి అందరూ మాట్లాడుకున్నారంటేనే అక్కడ ఏ రేంజ్‌లో ఫేమస్ అయ్యాడో తెలుస్తుంది. పైగా అందరి కంటే ముందుగా సినిమాను ప్రకటించాడు. హీరోగా ఎంట్రీ ఇవ్వబోతోన్నట్టు తెలిపాడు. సోషల్ మీడియాలో తన సినిమాకు సంబంధించిన అప్డేట్లను కూడా పెడుతున్నాడు.

సోషల్ మీడియాలో రచ్చ..

ఇక బిగ్ బాస్ ఇంటి నుంచి బయటకు వచ్చిన తరువాత తన ఫాలోయింగ్‌ను చూసుకుని సోహెల్ ఎమోషనల్ అయ్యాడు. తనకు సపోర్ట్ చేసిన ప్రతీ ఒక్కరికీ థ్యాంక్స్ చెబుతూ... అందరితో మాట్లాడాలని ఉందంటూ ఎమోషనల్ అయ్యాడు. అయితే తాజాగా సోహెల్ ఓ వీడియోను షేర్ చేశాడు.

ఆ పోస్ట్‌తో..

సోహెల్ఏదైనా పోస్ట్ పెడితే దాని కింద లెక్కలేనన్ని కామెంట్లు వస్తున్నాయి. ఒక్క రిప్లై ఇవ్వు అన్నా, హాయ్ చెప్పు అన్నా అని అడుగుతున్నారు. అలా అందరూ రిక్వెస్ట్ చేయడంపై సోహెల్ స్పందించాడు. తాను అందరితో మాట్లాడాలని, అందరికీ రిప్లై ఇవ్వాలని ఎంతో ప్రయత్నిస్తున్నానని కానీ కుదరడం లేదని చెప్పుకొచ్చాడు. రిప్లై రాకపోతే ఎంతగా బాధపడుతున్నారో.. అంతకు మించి ఎక్కువగా నేనే బాధపడుతున్నానని తెలిపాడు. ఒక రోజు ఫ్యాన్స్ అందరితో మీటింగ్ ఏర్పాటు చేస్తా.. ఆ రోజంతా మీతోనే గడుపుతాను అని చెప్పుకొచ్చాడు.