ఎస్పీ బాలసుబ్రహ్మణ్యానికి అస్వస్థత

By Srikanya

Published: Monday, January 20, 2014, 8:30 [IST]

జోహన్నెస్‌బర్గ్‌: దక్షిణాఫ్రికాలో ఓ కార్యక్రమంలో పాల్గొనేందుకు వెళ్లిన ప్రముఖ గాయకుడు ఎస్పీ బాలసుబ్రహ్మణ్యం అస్వస్థతకు గురయ్యారు. భారత్‌, దక్షిణాఫ్రికా దేశాల మధ్య సాంస్కృతిక సంబంధాలను పెంపొందించేందుకు కృషి చేస్తున్న ఇంటర్నేషనల్‌ ఇండియన్‌ ఫిల్మ్‌ ఫెస్టివల్‌ ఆఫ్‌ సౌతాఫ్రికా బాలుకు శనివారం రాత్రి జీవిత సాఫల్య పురస్కారాన్ని అందించింది.

అయితే ఆ తర్వాత కొద్దిసేపటికే ఆయన అస్వస్థతకు గురయ్యారు. బాలసుబ్రహ్మణ్యం అనారోగ్యం పాలవడానికి గల కారణాలేమీ తెలియరాలేదు. ఈ నేపథ్యంలో ఆదివారం జరగాల్సిన విందు కార్యక్రమాన్ని కూడా రద్దు చేసి, బాలును స్వదేశానికి పంపేందుకు ఏర్పాట్లు చేస్తున్నట్లు నిర్వాహకులు తెలిపారు. అయితే తాను ఆరోగ్యంగా ఉన్నానంటూ బాలసుబ్రహ్మణ్యం మీడియా కి ఫోన్‌లో చెప్పారు.

More from Filmibeat