ఒళ్లు గగుర్బొడిచే క్యారెక్టర్: స్పైడర్ మూవీలో భైరవుడు హాట్ టాపిక్

ఒళ్లు గగుర్బొడిచే క్యారెక్టర్

‘స్పైడర్' మూవీలో భైరవుడు సైకో క్యారెక్టర్ ఒళ్లు గగుర్బొడిచేలా ఉందని, ఆ పాత్రకు ఎస్.జె.సూర్య పూర్తి న్యాయం చేశారనే వాదన వినిపిస్తోంది. అలాంటి క్యారెక్టర్‌ను రియల్ లైఫ్‌లో ఊహించుకోవడం కూడా కష్టమే.

ప్రతి మనిషిలో సైకోయిజం

ప్రతి మనిషిలోనూ సైకోయిజం ఉంటుంది. సాధారణ వ్యక్తుల్లో ఇది 4 శాతం ఉంటుంది. కొందరిలో 6 శాతం ఉంటుంది. అయితే ‘స్పైడర్' మూవీలో భైరవుడి పాత్రలో సైకోయిజం 15 శాతం ఉంది. అందుకే అతడి పాత్ర అంత క్రూరంగా, కిరాతకంగా ఉంది.

పాత్ర మలిచిన తీరు సూపర్

బైరవుడి పాత్ర ఎలా పుట్టింది, అతడు అలా తయారవ్వడానికి కారణం ఏమిటి అనే వివరాలు మురుగదాస్ స్క్రీన్ మీద చూపించిన తీరు చాలా అద్భుతంగా ఉంది.

స్మశానంలో పుట్టి

సినిమాలో భైరవుడు తండ్రి కాటి కాపరి. అమ్మకడుపులో 9 నెలలు ఉన్నపుడే స్మశానంలో చనిపోయిన వారి బంధువుల ఆర్థనాదాలు, ఏడుపులు వింటూ పెరుగుతాడు. అమ్మ కడుపు నుండి భూమి మీద పడ్డ క్షణంలో అతడు విన్న శబ్దం కూడా ఏడుపే. అలా ఎదుటి వారు ఎవరైనా చనిపోయి ఏడుస్తుంటే చూసి ఎంజాయ్ చేసే మెంటాల్టీతో పెరుగుతాడు బైరవుడు.

ఆరేళ్ల వయసులోనే హత్యలు

కొన్నిసార్లు ఊర్లో చావులు లేక స్మశానం వెలవెల పోతోంది. చావు ఏడుపులు వింటే తప్ప తిండి కూడా సహించని మనస్తత్వం భైరవుడిది. అతడి ప్రవర్తన చూసి తల్లిదండ్రులు కూడా విస్తుపోతారు. ఈ క్రమంలోనే భైరవుడు ఆనందం కోసం హత్యలు చేయడం మొదలు పెడతాడు.

ఆ సంఘటనతో తీవ్ర రూపం

బైరవుడు ఊర్లో హత్యలు చేస్తున్న విషయం తెలిసి... కాటికాపరి కుటుంబాన్ని అంతమొందించాలని గ్రామస్తులంతా కలిసి రాత్రిపూట వెళ్లి ఇంటికి నిప్పు పెడతారు. ఆ సమయంలో పాస్ చేయడానికి బయటకు వచ్చిన భైరవుడు, అతడి తమ్ముడు తప్పించుకుంటారు. తమ కళ్లముందే తల్లిదండ్రులను చంపిన గ్రామస్తులపై కక్ష పెంచుకున్న బైరవుడు ఊర్లో మరిన్ని హత్యలు చేస్తాడు.

వయసు పెరిగే కొద్దీ పరాకాష్టకు

భైరవుడి వయసు పెరిగే కొద్దీ అతడిలోని సైకోయిజం పరాకష్టకు చేరుతుంది. ఆనందం కోసం అనేక దారుణమైన హత్యలు చేస్తుంటాడు. ఈ క్రమంలోనే అతడు ఇంటలిజెన్స్ ఆఫీసర్ శివ దృష్టిలో పడతాడు.

ఆసక్తికరం...

భైరవుడి ఆటకట్టించేందుకు శివ చేసే ప్రయత్నాలు, వేసే ఎత్తులు చాలా ఆసక్తికరంగా చూపించారు. శివ(మహేష్ బాబు), భైరవుడు(ఎస్.జె.సూర్య) మధ్య వచ్చే సన్నివేశాలు చాలా ఆసక్తికరంగా ఉన్నాయి.