పిజ్జా యాడ్ : హీరో శ్రీహరికి అవమానం!(ఫోటోలు)

శ్రీహరి అభిమాని ఒకరు ఈ యాడ్ చిత్రీకరించిన తీరుపై తీవ్రమైన అసంతృప్తి వ్యక్తం చేసారు. ఈ చిత్రం తమ హీరోను కించ పరిచే విధంగా ఉందని అంటున్నారు. ఈ మేరకు ఓ అభిమాని పిటీషన్ కూడా దాఖలు చేసినట్లు తెలుస్తోంది.

ఈ యాడ్లో శ్రీహరిని కించ పరిచే విధంగా చూపించారు. ఇవి తమ మనోభావాలను దెబ్బతీసేలా ఉన్నాయని అభిమానులు అంటున్నారు. వెంటనే డోమినోస్ సంస్థ శ్రీహరికి క్షమాపణలు చెప్పాలని వారు డిమాండ్ చేస్తున్నారు.

డోమినోస్ సంస్థకు వ్యతిరేకంగా వేసిన పిటీషన్‌కు పలువురు ఫ్యాన్స్ మద్దతుగా నిలుస్తున్నారు. శ్రీహరిని మీ బిజినెస్ కోసం హుందాతనంగా వాడుకోండి, కానీ అతనిపై పన్నీ వేషాల చిత్రీకరించి బిజినెస్ చేయొద్దు అని అంటున్నారు అభిమానులు. హైదరాబాద్ కు చెందిన సాయి ప్రవీణ్ అనే అభిమాని పిటీషన్‌కు మద్దతు పలికారు.

విదేశాల్లో ఉన్న పలువురు శ్రీహరి అభిమానులు కూడా డోమినోస్ సంస్థ యాడ్ తీరుపై గుర్రుగా ఉన్నారు. ఆస్ట్రేలియాకు చెందిన వసంత్ అనే ఫ్యాన్ శ్రీహరి లాంటి గొప్ప స్టార్స్ ను, సేవా కార్యక్రమాల్లో పాల్గొంటున్న స్టార్‌పై ఇలా కించ పరిచే విధంగా యాడ్ చిత్రీకరించడం సరికాదని అంటున్నాడు.

టాలీవుడ్ చిత్ర పరిశ్రమను చీప్ గా చూడొద్దు. తెలుగు సినిమా పరిశ్రమకు గౌరవం ఇవ్వండి. వెంటనే యాడ్ ను నిలిపి వేసి శ్రీహరికి క్షమాపణ చెప్పాలని హైదరాబాద్ నుంచి సందీప్ కోరుతున్నారు.

శ్రీహరి తెలుగు సినిమా పరిశ్రమలో ఎంతో మంచి పేరున్న నటుడు. అతన్ని కించ పరిచే విధంగా యాడ్ చిత్రీకరించడం సరికాదు. వెంటనే ఆ యాడ్ నిలిపి వేయాలని కోటి డి అనే వ్యక్తి కోరుతున్నారు.

డోమినోస్ యాడ్ గురించి ఫిల్మ్ నగర్లో సీరియస్ చర్చ సాగుతోంది. అసలు ఓ యాక్టర్ ను కించ పరిచే విధంగా ఉన్న ఈ యాడ్ కు ఎలా అనుమతి ఇచ్చారు అని పలువురు ఆశ్చర్యం వ్యక్తం చేస్తున్నారు.

ఈ యాడ్ శ్రీహరి అనుమతితోనే జరిగిందా? డోమినోస్ కంపెనీ శ్రీహరిని సంప్రదించిందా? అనే విషయాలపై ఇంకా క్లారిటీ రావాల్సి ఉంది. పూర్తి వివరాలు త్వరలో తెలుస్తాయి.

తెలుగు సినీ పరిశ్రమలో వివాద రహితులైన స్టార్లలో శ్రీహరి ఒకరు. టాలీవుడ్లో ఆయనకు క్లీన్ ఇమేజ్ ఉంది. అలాంటి శ్రీహరిపై తాజాగా ఇలాంటి వివాదం వెలుగు చూడటం అందరినీ ఆశ్చర్య పరుస్తోంది.

అనేక మంది శ్రీహరి అభిమానులు డోమినోస్ లెబనీస్ రోల్ యాడ్ పై ఆగ్రహం వ్యక్తం చేస్తున్న నేపథ్యంలో సదరు సంస్థ శ్రీహరికి క్షమాపణ చెబుతుందా? లేదా? అనే విషయం ఆసక్తికరంగా మారింది.