Don't Miss!
- News బీజేపీలో చేరిన నల్లమిల్లి రామకృష్ణా రెడ్డి: ఆ నియోజకవర్గం నుంచే పోటీ
- Sports CSK vs LSG: అతని వల్లే గెలిచే మ్యాచ్లో ఓడాం: రుతురాజ్ గైక్వాడ్
- Lifestyle ఈ 4 రాశుల వారు ఉత్తమ సెక్స్ భాగస్వాములు అవుతారు... వీరిని లైఫ్ పార్ట్నర్ గా పొందడం అదృష్టం!
- Automobiles ఏథర్ రిజ్టా ఎలక్ట్రిక్ స్కూటర్కు పోటీగా ఆంపియర్ NXG.. ఆ రోజే లాంచ్
- Technology ధర రూ.10 వేల కంటే తక్కువ ధరకే రియల్మి 5G స్మార్ట్ఫోన్.. విడుదల తేదీ ఖరారు..!
- Finance Market Closing: లాభాల్లో ముగిసిన సెన్సెక్స్-నిఫ్టీ.. మార్కెట్లను లాగిన మెటల్ స్టాక్స్..
- Travel ఫ్యామిలీ ట్రిప్ ప్లాన్ చేస్తున్నారా? అయితే, తెలంగాణలోని ఈ ప్రాంతం బెస్ట్..!
పోలీసుల ఇళ్ళల్లో శ్రీకాంత్ దొంగతనం...
కేవలం పోలీసుల ఇళ్లల్లో మాత్రమే దొంగతనాలు చేసే పాత్రలో కనిపిస్తాను. రెండు విభిన్నమైన పార్శ్వాలున్న పాత్ర పోషిస్తున్నాను అంటున్నారు శ్రీకాంత్. ఆయన తాజాగా చేస్తున్న 'రంగ-ది దొంగ' చిత్రంలో తన పాత్ర గురించి మీడియా సమావేశంలో మాట్లాడుతూ -"ఖడ్గం, ఆపరేషన్ దుర్యోధన, మహాత్మ చిత్రాల్లోని నా పాత్రలకు పూర్తి విరుద్ధమైన పాత్రను ఈ చిత్రంలో చేస్తున్నాను. పూర్తి వినోదాత్మకంగా రూపొందుతోన్న ఈ చిత్రంలో నా పాత్ర చాలెంజింగ్గా వుంటుంది. జీవి మంచి నటుడే కాదు దర్శకుడు కూడా అనే విషయం ఈ చిత్రంతో ప్రూవ్ అవుతుంది. కాన్ఫిడెంట్గా చిత్రాన్ని తెరకెక్కిస్తున్నాడు. మహాత్మ చిత్రంతో అభిరుచి గల నిర్మాతగా పేరు తెచ్చుకున్న మనోహర్తో మరో సినిమా చేయడం ఆనందంగా వుంది' అన్నారు.
ఇక ఈ చిత్రంలో శ్రీకాంత్ పాత్ర వినోదాన్ని పంచుతుందని, అన్ని వర్గాల వారికి నచ్చే విధంగా చిత్రాన్ని తెరకెక్కిస్తున్నామని దర్శకుడు చెప్పారు. సుధాకర్ నాయుడు (జీవి) దర్శకత్వంలో గోల్డెన్ లయన్ ఫిలింస్, గాడ్ఫాదర్ ఫిలింస్ సంస్థలు సంయుక్తంగా ఈ చిత్రాన్ని నిర్మిస్తున్నారు. ఈ చిత్రం షూటింగ్ ప్రస్తుతం హైదరాబాద్ పరిసర ప్రాంతాల్లో జరుగుతోంది. శ్రీకాంత్, తస్లీమా, భువనేశ్వరి, జ్యోతిలపై జానీ నృత్య దర్శకత్వంలో ఓ ప్రత్యేక పాటను చిత్రీకరిస్తున్నారు. ఈ సందర్బంగా మీడియా సమావేశం ఏర్పాటు చేసారు. ఈ చిత్రానికి సంగీతం చక్రి అందిస్తూంటే, కెమెరా పూర్ణ కాండ్రు నిర్వహిస్తున్నారు. శ్రీకాంత్ తో మహాత్మా చిత్రాన్ని నిర్మించిన నిర్మాతలే ఈ చిత్రాన్ని నిర్మించటం విశేషం. అలాగే జీవీ ఇంతకు ముందు నితిన్ హీరోగా హీరో అనే చిత్రం రూపొందించారు. ఆ చిత్రం భాక్సాఫీస్ వద్ద ఫెయిల్యూర్ టాక్ తెచ్చుకున్న సంగతి తెలిసిందే.