»   » రామ్‌చరణ్‌కి అన్నయ్యగా కనిపించబోతున్నా

రామ్‌చరణ్‌కి అన్నయ్యగా కనిపించబోతున్నా

Posted By:
Subscribe to Filmibeat Telugu
Srikanth turns brother for Ram Charan
హైదరాబాద్ : రామ్‌చరణ్‌కి అన్నయ్యగా కనిపించబోతున్నా అని చెప్తున్నారు శ్రీకాంత్. ఆయన తాజాగా కృష్ణ వంశీ దర్శకత్వంలో చిత్రం కమిటయ్యారు. వెంకటేష్ ని మొదట అనుకున్న పాత్రలో శ్రీకాంత్ వచ్చి చేరారు. ఆ పాత్రకు పెద్దగా ప్రయారిటీ లేదని అందుకే వెంకటేష్ తప్పుకున్నాడని ఫిల్మ్ నగర్ లో చెప్పుకున్నారు. అది నిజమో కాదో కానీ శ్రీకాంత్ మాత్రం ఈ కొత్త పాత్రకు చాలా ఎగ్జైంటిగ్ గా ఉన్నారు.

తెలుగులో మల్టీస్టారర్‌ సినిమాలంటే గుర్తొచ్చే అతి కొద్దిమంది హీరోల్లో శ్రీకాంత్‌ ఒకరు. ఇప్పుడు ఆయన మరో మల్టీస్టారర్‌ సినిమాలో కనిపించబోతున్నారు. రామ్‌చరణ్‌ హీరోగా కృష్ణవంశీ దర్శకత్వంలో రూపుదిద్దుకుంటున్న మల్టీస్టారర్‌ సినిమాలో నటిస్తున్నారు. శంకర్‌దాదా ఎం.బి.బి.ఎస్‌, శంకర్‌దాదా జిందాబాద్‌ సినిమాల్లో చిరంజీవికి తమ్ముడిగా నటించిన శ్రీకాంత్‌ ఇప్పుడు ఈ సినిమాలో రామ్‌చరణ్‌కి అన్నయ్యగా కనిపించబోతున్నారు.

ఈ విషయమై శ్రీకాంత్‌ మాట్లాడుతూ ''కృష్ణవంశీ చెప్పిన కథ నచ్చడంతో అంగీకరించాను. త్వరలో సినిమా సెట్స్‌పైకి వెళ్లనుంది'' అని చెప్పారు. అలాగే తమిళ, తెలుగు భాషల్లో రూపొందబోతున్న సినిమాలో శ్రీకాంత్‌ ద్విపాత్రాభినయం చేస్తున్నారు.ఇందులో పోలీసుగాను, విలన్ నూ రెండు పాత్రల్లో కనిపించి ప్రేక్షకుల్ని అలరించనున్నారు. ఈ సినిమా కూడా త్వరలో సెట్స్‌పైకి వెళ్లనుంది. దీనికి సంబంధించిన పూర్తి వివరాల్ని త్వరలో ప్రకటిస్తారు.

English summary

 Srikanth is going to play the role of brother to Mega power star Ram Charan in his forthcoming untitle movie directed by Krishna Vamshi. Earlier the director wanted Victory Venkatesh to play the role but he rejected the proposal however Srikanth after hearing the movie script he agreed to do the role for the movie. The Movie will go on floor shortly.
Please Wait while comments are loading...