రజనీతో రాజమౌళి సినిమా తీస్తే.. ఆ చిత్ర రికార్డులు బద్దలు.. ఓ డైరెక్టర్ జోస్యం..

కల సాకారమే...

సినీ పరిశ్రమలో రజనీకాంత్ మంచి మానవత్వంతో కూడిన ఉన్నతమైన వ్యక్తి. ఇండియాలో ఆయన దిగ్గజ స్టార్. తెరమీద ఆయనను చూడటానికి ప్రేక్షకులు పడిచస్తారు. అంతటి క్రేజ్ ఉన్న రజనీకాంత్‌తో సినిమా తీయడం అనేది ఏ దర్శకుడికైనా సుదీర్ఘ కల సాకారం అవుతుందని చెప్పవచ్చు. అందుకు నేనేమీ మినహాయింపు కాదు అని రాజమౌళి అన్నారు.

అద్భుతమైన కథ ఉండాలి..

రజనీతో సినిమా తీయాలంటే అద్భుతమైన కథ ఉండాలి. కథతోనే ప్రేక్షకుడిని కట్టిపడేయవచ్చు అనే విషయాన్ని నేను నమ్ముతాను. రజనీకాంత్‌ స్థాయికి తగినట్టు ఏదైనా కథ ప్రేరణ కలిగితే తప్పకుండా సినిమా తీస్తాను. రజనీతో సినిమా చేయడమంటే నాకు చెప్పలేనంత ఇష్టం అని జక్కన్న అన్నారు.

రజనీతో సినిమా తీస్తే..

బాహుబలి2 ప్రమోషన్ సందర్భంగా ఇటీవల విద్యార్థులతో రాజమౌళి మాట్లాడుతూ.. రజనీకాంత్‌తో సినిమా తీస్తే పది రోజులపాటు డైలాగ్స్ వినిపించకుండా అరుపులు, ఈలలతో థియేటర్లను దద్దరిల్లిపోవాలి అని రాజమౌళి అన్నారు. బాహుబలి తర్వాత గరుడ అనే సినిమా మదిలో మెదలుతున్నదని రాజమౌళి హింటి ఇచ్చారు. ఒకవేళ గురుడ సినిమా ఒకే అయితే రజనీతో సినిమా తీసే అవకాశాలు కొట్టిపారేయలేమని అంటున్నాయి సినీ వర్గాలు.

అవతార్ రికార్డులు బ్రేక్..

రజనీకాంత్, రాజమౌళి కాంబినేషన్‌లో సినిమా గురించి మీడియాలో ఇటీవల వార్తలు ఎక్కువే అయ్యాయి. రజనీ, జక్కన్న సినిమా గురించి ప్రేమమ్ దర్శకుడు అల్ఫోన్సే పుత్రిన్ ఈ కింది విధంగా స్పందించాడు. ఒకవేళ రజనీ, రాజమౌళి సినిమా వస్తే ప్రపంచవ్యాప్తంగా అవతార్ బాక్సాఫీస్ రికార్డులు బద్ధలు కావడం ఖాయం అని అల్ఫోన్సే పుతిన్ అన్నారు.