అందుకే నటనకు దూరమయ్యా... : "అన్"లక్కీ స్నేహా ఉల్లాల్

ఉల్లాసంగా ఉత్సాహంగా

ఉల్లాసంగా ఉత్సాహంగా మూవీతో టాలీవుడ్ లో ఎంట్రీ ఇచ్చిన ఈ భామ స్నేహా ఉల్లాల్. తెలుగులో 'ఉల్లాసంగా ఉత్సాహంగా', 'కరెంట్', 'సింహా' కెరీర్ లో సింహ లాంటి భారీ చిత్రాలతో ఫర్వాలేదనిపించుకుంది. ఇదే సమయంలో వెన్ను గాయానికి గురవడం ఆమెకి కష్టాలు తెచ్చిపెట్టింది.

విఫ‌ల‌మైంది

విశ్రాంతి తప్పనిసరి కావడంతో కొన్ని రోజులు రెస్ట్ తీసుకున్న ఆమెకి తెలుగులో కానీ, తమిళంలో కానీ చెప్పుకోదగ్గ అవకాశాలు రావడం లేదు. దాంతో నిరాశకు గురైన ఆమె తిరిగి బాలీవుడ్ ప్రయత్నాలు మొదలుపెట్టి టాలీవుడ్ లో చాలానే అవకాశాలు దక్కినా వాటిని అందుకోవడంలో విఫ‌ల‌మైంది.

మూడేళ్లుగా సినిమాలకు దూరమైపోయింది

టాలీవుడ్ లో వరుస అవకాశాలు వస్తున్నపుడే మళ్ళీ బాలీవుడ్ పై కన్నేయడంతో స్నేహా ఉల్లాల్ కు ఇక్క‌డకూడా అవ‌కాశాలు లేకుండా పోయాయి. అదే సమయం లో ఉన్నట్టుండీ మాయమైపోయింది. దాదాపుగా మూడేళ్లుగా సినిమాలకు దూరమైపోయింది. వార్తల్లో కూడా ఎక్కడా కనిపించలేదు. అంతా దాదాపుగా మర్చి పోతున్న దశలో హఠాత్తుగా ఊడిపడింది.

ఆరోగ్యకారణం వల్లే

ఇన్నాళ్ళూ తాను నటనకు దూరం కావటం వెనుక రహస్యాన్ని చెప్పింది. పాపం ఆరోగ్యకారణం వల్లే ఇన్నాళ్ళూ కనిపించకుండా పోయిందట. ఇందుకు తనకు గల ఒక వ్యాధి కారణం అని చెప్పింది స్నేహా ఉల్లాల్. కెరీర్ పీక్ స్టేజ్ లో ఉన్నపుడు బ్రేక్ తీసుకోవాలని తాను అనుకోలేదని.. తన వ్యాధి కారణంగా ఇలా గ్యాప్ ఇవ్వక తప్పలేదని చెప్పింది స్నేహా ఉల్లాల్.

బలహీనంగా మారిపోయాను

'రక్తానికి సంబంధించిన ఒక వ్యాధితో బాధ పడ్డాను. ఆటో ఇమ్యూన్ డిజార్డర్ కారణంగా నేను మరీ బలహీనంగా మారిపోయాను. నా అంతట నేను కనీసం 30 నిమిషాల పాటు కూడా నిలబడలేకపోయేదాన్ని. దీంతో 2014 వరకు నాకు ఉన్న కమిట్మెట్స్ ను పూర్తి చేసేసి గ్యాప్ తీసుకున్నాను. ఆ తర్వాత కొత్త ప్రాజెక్టులు ఒప్పుకోలేదు' అని చెప్పింది స్నేహా ఉల్లాల్.