»   » రొమాంటిక్ కామెడీ... ('అంతకు ముందు ఆ తరువాత' ప్రివ్యూ)

రొమాంటిక్ కామెడీ... ('అంతకు ముందు ఆ తరువాత' ప్రివ్యూ)

Subscribe to Filmibeat Telugu
For Quick Alerts
ALLOW NOTIFICATIONS
For Daily Alerts
    Sumanth Ashwin “Anthaku Mundu Aa Taruvatha” preview
    హైదరాబాద్ : సున్నితత్వం, సృజనాత్మక అంశాలతో సినిమాల్ని తీయడం మోహనకృష్ణ ఇంద్రగంటి శైలి. విలువలతో కూడిన చిత్రాల్ని తీయడానికి ఆయన ఇష్టపడుతుంటారు. 'గోల్కొండ హైస్కూల్‌' తర్వాత ఆయన తీసిన చిత్రం 'అంతకు ముందు ఆ తరువాత'. నిర్మాత ఎమ్‌.ఎస్‌.రాజు తనయుడు సుమంత్‌ అశ్విన్‌ హీరోగా నటించారు. ఈషా హీరోయిన్. కె.ఎల్‌. దామోదర్‌ప్రసాద్‌ నిర్మాత. ఈ చిత్రం (ఈరోజు) శుక్రవారం ప్రేక్షకుల ముందుకొస్తోంది.

    ప్రేమలో గెలవడం ఒక ఎత్తయితే... ఆ ప్రేమను నిలబెట్టుకోవడం మరో ఎత్తు. జీవితాంతం తోడుగా ఉంటాననే భరోసాని ఎదుటి వ్యక్తిలో కల్పించినప్పుడే అది నిలబడుతుంది. నవతరం ఆ విషయంలో ఏ మేరకు విజయం సాధిస్తున్నారు? వారిలో ఉన్న చిన్నపాటి గందరగోళానికి కారణమేమిటి? ఓ జంట ప్రేమలో పడటానికి ముందు ఎలా ఉంటుంది?, ఆ తర్వాత ఎలా మారిపోతుంటుంది? అనే విషయాలను చర్చిస్తూ ఎంటర్టైన్మెంట్ ని జోడిస్తూ తీసిన చిత్రం ఇది.


    దర్శకుడు మాట్లాడుతూ-''ఒకరినొకరు ఇష్టపడడం మొదలయ్యాక... సాన్నిహిత్యం పెరుగుతుంది. ఆ అనుబంధం మాటున ఎలాంటి విషయాలు బయటికొస్తాయి. వాటి ద్వారా ప్రేమికుల మధ్య ఎలాంటి అనుమానాలు చోటు చేసుకొంటాయి అనే అంశాలు ప్రేక్షకుల్ని ఆకట్టుకొంటాయి'' అన్నారు .

    అలాగే ...''కెనడాలో ఫిలింకోర్స్‌ చేసి, ఇక్కడ ఎందరినో కలిశాను. అంతా 'నీకేం వచ్చు?' అని అడిగారు. 'గ్రహణం' స్క్రిప్టు విని భరణి నటించడానికి వెంటనే ఒప్పుకున్నారు. ఆయన పరిచయానికి ముందు, ఆ తర్వాత నా జీవితంలో ముఖ్యం. కళ్యాణి ఇచ్చిన ఐతే ..సంగీతం నచ్చింది. అష్టాచెమ్మా సంగీతంతో అభిప్రాయాలు, అభిరుచులూ కలిశాయి. అందుకే ఈ సినిమాకీ కలిసి పనిచేశాం. నా అనుభవాలు, ఊహల కలబోతతో 7 పాటలిచ్చారాయన'' అన్నారు.

    నిర్మాత మాట్లాడుతూ ''జీవిత భాగస్వామిని ఎంపిక చేసుకోవడంలో యువతరం ఆలోచనలు ఏ రీతిన ఉంటున్నాయో వినోదాత్మకంగా చెప్పే ప్రయత్నమే ఈ చిత్రం. భావోద్వేగాలకు ప్రాధాన్యమున్న ఈ చిత్రం ఇంటిల్లిపాదినీ అలరించేలా ఉంటుంది''అన్నారు.

    బ్యానర్ : శ్రీ రంజిత్ మూవీస్
    నటీనటులు : సుమంత్‌ అశ్విన్‌ , ఈషా, రవిబాబు, రావు రమేష్‌, అవసరాల శ్రీనివాస్‌, రోహిణి, మధుబాల, తాగుబోతు రమేష్‌ తదితరులు .
    ఛాయాగ్రహణం: పి.జి.విందా,
    కూర్పు: మార్తాండ్‌ కె.వెంకటేష్‌,
    కళ: ఎస్‌.రవీందర్‌,
    సంగీతం: కల్యాణి కోడూరి,
    సహ నిర్మాతలు: వివేక్ కూచిభొట్ల, జగన్మోహన్‌రెడ్డి వి.,
    నిర్మాత : కె.ఎల్. దామోదర్ ప్రసాద్
    కథ, మాటలు, స్క్రీన్‌ప్లే, దర్శకత్వం: మోహనకృష్ణ ఇంద్రగంటి.

    English summary
    Due to Current Political situations many high budget films were postponed and the small budget films are getting ready to release in this gap. But only one film that is making buzz is “Anthakumundu AaTaruvatha” (AMAT) starring Sumanth Ashwin and Eesha. AMAT carries good expectations and also the film is releasing in good number of screens today.
     

    తక్షణ సినీ వార్తలు, మూవీ రివ్యూలను రోజంతా పొందండి - Filmibeat Telugu

    X
    We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Filmibeat sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Filmibeat website. However, you can change your cookie settings at any time. Learn more