ఆవకాయ కలుపుతున్నాడీ హీరో (ఫొటో)

హైదరాబాద్ : అక్కినేని కుటుంబానికి సన్నిహితంగా గా ఉండేవారందరికీ వేసవి రాగానే గుర్తు వచ్చే విషయం ఆవకాయ. ఎందుకంటే అక్కినేని కుటుంబం నుంచి ప్రత్యేకంగా పెట్టిన ఆవకాయను అందరికి పంపుతూండేవారు. చివరకు విదేశాలు కూడా ఈ ఆవకాయ వెళ్ళేది. ఈ విషయంలో అక్కినేని నాగేశ్వరరావు గారి భార్య అక్కినేని అన్నపూర్ణ గారు పూర్తి శ్రద్ద తీసుకుని,ఆవకాయ పెట్టించి అందరికీ పంపుతూండేవారు. ఇప్పుడీ సంప్రదాయాన్ని వారి మనవడు సుమంత్ కంటిన్యూ చేస్తున్నాడు.

ఈ సంవత్సరం తాను ఆవకాయ కలుపుతున్నట్లు, ఆ సంప్రదాయన్ని కంటిన్యూ చేస్తున్నట్లు చెప్తూ సుమంత్ ట్విట్టర్ లో ఈ ఫోటో పెట్టారు. అంటే ఇప్పుడు సుమంత్ తన చేతులతో స్వయంగా కలిపిన ఆవకాయను వారి శ్రేయాభిలాషులు,కుటుంబ సభ్యులు తినబోతున్నారన్నమాట. ఆ కుటుంబ వారసత్వం నిలబెట్టాలన్న సుమంత్ ప్రయత్నం మెచ్చదగినదే అంటున్నారు అంతా.

సినిమమాల విషయానికి వస్తే... సుమంత్ హీరోగా చంద్రసిద్దార్థ్ దర్శకత్వంలో 'ఏమో గుర్రం ఎగరావచ్చు' అంటూ ఓ చిత్రం ఆ మధ్యన వచ్చింది. 'ఆ నలుగురు ఫిలిమ్స్' సంస్థ నిర్మించిన ఈ చిత్రం భాక్సాఫీస్ వద్ద పెద్ద ఫ్లాప్ గా నమోదు అయ్యింది. 'ఏమో... గుర్రం ఎగరావచ్చు' చిత్రానికి చంద్రసిద్ధార్థ్‌ దర్శకుడు. రచయిత, దర్శకుడు మదన్‌ ఈ చిత్రాన్ని నిర్మించారు. ఎమ్‌.ఎమ్‌.కీరవాణి సంగీతాన్ని సమకూర్చారు. అయినా వర్కవుట్ కాలేదు. ప్రస్తుతం సుమంత్ ఖాళీగా ఉన్నారు.