చలపాయ్ కామెంట్స్ దుమారం: బాలయ్య, అలీ వివాదాలు తెరపైకి!

చలపతిరావు చేసిన కామెంట్స్ ఏమిటంటే...

‘రారండోయ్ వేడుక చూద్దాం' వేడుకలో మహిళా యాంకర్ చలపతి రావు దగ్గరకు వచ్చి అమ్మాయిలు ఆరోగ్యానికి హానికరమా సార్? అని అడగ్గా అడగ్గా....... దానికి చలపతిరావు సమాధానం ఇస్తూ అమ్మాయిలు ఆరోగ్యానికి హానికరం కాదు కానీ పక్కలోకి పనికొస్తారు అంటూ వివాదాస్పద కామెంట్ చేసారు.

చలపాయ్ కామెంట్లతో చిక్కుల్లో పడ్డ నాగార్జున, చైతూ

తమ సినిమాకు సంబంధించిన ఆడియో వేడుక కావడంతో నాగార్జున, నాగ చైతన్య ఇబ్బందుల్లో పడ్డారు. చలపాయ్ చేసిన పనికి వీరిద్దరూ మీడియాకు వివరణ ఇచ్చుకోవాల్సి వచ్చింది.

బాలయ్య, అలీ గతంలో చేసిన కామెంట్స్ ప్రస్తావించిన మహిళా సంఘాలు

చలపాయ్ వివాదంతో గతంలో బాలకృష్ణ, అలీ చేసిన కామెంట్లను పలువురు మహిళా సంఘాల నేతలు గుర్తు చేసారు. అపుడు వాళ్లని క్షమించి వదిలేసామని, ఇపుడు చలపతిరావు వ్యవహారంలో వెనక్కి తగ్గే ప్రసక్తే లేదని తేల్చి చెప్పారు.

ఇంతకీ బాలయ్య అప్పట్లో ఏం కామెంట్ చేసారు?

నారా రోహిత్ నటించిన సావిత్రి మూవీ ఆడియో వేడుకలో బాలయ్య చేసిన వ్యాఖ్యలు అప్పట్లో వివాదాస్పదం అయ్యాయి. అందరూ అన్ని రకాల పాత్రలు చేయలేరు....నేను కొన్ని పాత్రలు మాత్రమే చేయగలను, అమ్మాయిల వెంట పడే పాత్రలు చేస్తే మా ఫ్యాన్స్ ఊరుకోరు. అమ్మాయికి ముద్దు అయినా పెట్టాలి... కడుపైనా చేయాలి, కమిట్ కమిట్ అంటూ వెళ్లి పోవాలి అంటూ బాలయ్య అప్పట్లో చేసిన కామెంట్స్ వివాదానికి దారి తీసాయి.

అలీ

తెలుగు కమెడియన్ అలీ కూడా పలు సందర్భాల్లో ఆడియో వేడుకల్లో హీరోయిన్లను, యాంకర్లను ఉద్దేశించి కామెంట్స్ చేయడం వివాదాస్పదం అయిన సంగతి తెలిసిందే.