రాత్రి పూట వింత పార్టీ... బాహుబలి టీం హల్ చల్ (ఫోటోస్)

By Bojja Kumar

Updated: Thursday, June 25, 2015, 12:09 [IST]

హైదరాబాద్: రెండు సంవత్సరాలుగా విశ్రాంతి లేకుండా ‘బాహుబలి' సినిమా ప్రాజెక్టులో తలమునకలైన ఆ చిత్ర టీంకు ఇప్పుడు కాస్త విశ్రాంతి లభించింది. తాజా అందరూ కలిసి పార్టీ చేసుకున్నారు. ఈ పార్టీ కూడా చాలా వింతగా ఉంది. అసలు పార్టీలు ఇలా కూడా ఉంటాయా? అనే విధంగా విధంగా ముక్కున వేలేసుకునేలా ఉంది వీరు చేసుకున్న పార్టీ.

అనుష్క, రానా, రమా రాజమౌళి, ఎస్ఎస్ కార్తికేయ, శోభు యార్లగడ్డ, రాఘవేంద్రరావు తదితరులు... తమ క్లోజ్ ఫ్రెండ్స్ క్రిష్, నాని, ప్రశాంతి తదితరులతో కలిసి పార్టీ చేసుకున్నారు. నిన్న రాత్రంతా ఫుల్లుగా ఎంజాయ్ చేసారు. దర్శకుడు రాఘవేంద్రరావు ఇల్లే ఈ పార్టీకి వేదికైంది. ఇదే రోజు రాఘవేంద్రరావు కొడుకు బర్తడే కూడా కావడంతో సంబరాల్లో మరింత జోష్ కనిపించింది.

ఈ పార్టీలో స్టార్లంతా తమ తమ ఫేవరెట్ క్యారెక్టర్ల డ్రెస్సులు ధరించడం గమనార్హం. దీన్నే థీమ్ పార్టీ అంటారట. అయితే రాజమౌళి ఈ పార్టీకి హాజరు కాలేక పోయారు. ఆయన పోస్టు ప్రొడక్షన్ పనుల్లో బిజీగా ఉన్నారు. ప్రభాస్, తమన్నాకూడా ఈ పార్టీ నుండి మిస్సయ్యారు.