వావ్...! అస్సలు నమ్మలేం కానీ ఇదే నిజం... ఆ సినిమాలో హీరో ముఖ్యమంత్రి చంద్రబాబేనట.....

విజయవాడ టీడీపీ కార్పొరేటర్ కాకమాను మల్లికార్జున యాదవ్ త్వరలో ఆంధ్రప్రదేశ్ ముఖ్యమంత్రి చంద్రబాబు నాయుడుపై ఒక సినిమా తీయబోతున్నారు.

చంద్రోదయం అనే టైటిల్ తో రానున్న ఈ సినిమాలో రాష్ట్రాభివృద్ధి కోసం ఆయన ఏవిధంగా కష్టపడుతున్నదీ అందులో వివరిస్తారు. ఆ సినిమాకి ఒంగోలుకి చెందిన పసుపులేటి వెంకటరమణ కథ, దర్శకత్వం వహించనున్నారు. శ్వేతార్కే క్రియేషన్స్ మణికంట బ్యానర్ పై ఈ సినిమా నిర్మించబోతున్నారు. సినిమా స్క్రిప్ట్ కూడా సిద్దం అయిపోయింది.

ఆగస్ట్ 4వ తేదీన ఉప ముఖ్యమంత్రి నిమ్మకాయల చిన రాజప్ప ఒంగోలులో షూటింగ్ ప్రారంభిస్తారు. ఈ సినిమా షూటింగ్ ప్రధానంగా విజయవాడ, యానాం ప్రాంతాలలో జరుగుతుందని నిర్మాత మల్లికార్జున యాదవ్ చెప్పారు.

చంద్రుని వెన్నెలని ఏవిధంగా ప్రజలందరూ ఆస్వాదిస్తారో అదేవిధంగా చంద్రబాబు నాయుడు పాలనని కూడా ఓటర్లు(?) అందరూ ఆస్వాదిస్తారనే ఉద్దేశంతోనే ఈ చంద్రోదయం సినిమా నిర్మిస్తున్నామని తెలిపారు. ఈ సినిమాలో అన్ని వర్గాల ప్రేక్షకులను ఆక్కటుకొనే అంశాలు ఉంటాయని దర్శకుడు చెప్పారు

చంద్రబాబు బాల్యం, విద్యాభ్యాసం, పొలిటికల్ ఎంట్రీ, రాజకీయనేతగా సిఎంగా పరిపాలనలతో పాటు చంద్రబాబులోని అన్నికోణాలను టచ్ చేస్తారని తెలుస్తోంది.

అయితే ఇందులో హీరో పాత్ర అదే చంద్రబాబు గారి పాత్రని పోషించే నటుడు ఎవరో మాత్రం ఇంకాతెలియ లేదు..., ఇక ఆయన చుట్టూ ఉండే మిగతా పాత్రలుకూడా ఒక్కొక్కటే సెలక్ట్ చేస్తున్నారట. అయితే ఈ సినిమాలో ఆయన మామ గారైన నందమూరి తారక రామారావు గారి పాత్రకోసం కూడా నటులని అన్వేషిస్తున్నారట.

లోకేష్.., పాత్ర కోసం ఇప్పటికే టాలివుడ్ లోని ఒక వర్థమాన నటున్ని ఎంచుకున్నట్టు సమాచారం....

అయితే ఈ సినిమాలో విలన్ ఉంటాడా లేదా అన్నది మాత్రం ఇంకా తెలియలేదు... ఒక వేళ విలన్ ఉంటే అది ఎవరన్న విశయం మీద చర్చలు బాగానే జరుగుతున్నాయి...

విచిత్రం ఏంటంటే బాబు మామ‌గారైన దివంగ‌త మాజీ సీఎం ఎన్టీఆర్‌, ఆయ‌న బావ‌మ‌రిది, ఎమ్మెల్యే బాల‌య్య సినిమా రంగంలో హీరోలుగా ఉండి రాజ‌కీయాల్లోకి వ‌చ్చారు.మ‌రి బాబు రాజ‌కీయాల్లో హీరోగా ఉండి...ఇప్పుడు త‌న జీవిత చ‌రిత్ర‌తో ఇన్‌డైరెక్టుగా తెర‌మీద‌కు రానున్నారు.

సినిమా తెర మీదికి తెచ్చే క్రమం లో చాలా వర్క్ చేయాల్సే ఉంటుంది దాదాపు మూడు దశాబ్దాల రాజకీయాలని పరిగన లోకి తీసుకొని కథ రాసుకోవాల్సి ఉంటుంది. మరి ఈ సినిమాలో కేవలం ఆయన హీరోయిజాన్నే చూపించి వదిలేస్తారా... మిగతా విశయాలమీద కూడా దృష్టి పెడతారా అన్నది చూడాలి మరి...