హోమ్

న్యూస్

హైదరాబాద్: నాగార్జున, కార్తి, తమన్నా ప్రధాన పాత్రల్లో తెరకెక్కిన 'ఊపిరి' చిత్రం ఈ రోజు గ్రాండ్ గా రిలీజైంది. ప్రెంచి మూవీ 'ఇంటచబుల్స్' చిత్రానికి రీమేక్. మార్నింగ్ షో నుండే 'ఊపిరి' చిత్రానికి పాజిటివ్ పీడ్ బ్యాక్ వస్తోంది. తాజాగా ఈ చిత్రాన్ని చూసిన ప్రముఖ దర్శకుడు రాజమౌళి... సినిమాపై, దర్శకుడు వంశీపై, నాగార్జున, కార్తీలపై ప్రశంసల వర్షం కురిపించారు.

'నాకు బాగా నచ్చిన చిత్రాల్లో ఇంటబుల్స్ ఒకటి. నిజంగా చెప్పాలంటే ఈ సినిమాను వంశీ సరిగా హ్యాండిల్ చేస్తాడని అనుకోలేదు. కానీ నా ఊహ తప్పు అని నిరూపించాడు. థాంక్స్ వంశీ' అంటూ రాజమౌళి ట్వీట్ చేసారు. కార్తీ చాలా బాగా చేసాడు. నాగార్జున గారు నిజమౌన పాత్ బ్రేకర్. ఊపిరి మిమ్మల్ని చాలా కాలం పాటు వెంటాడే నిజమైన ఎంటర్టెనర్. ఈ సినిమాను మిస్ కావొద్దు అంటూ రాజమౌళి ట్వీట్ చేసారు.

'ఊపిరి' చిత్రాన్ని పివిపి సంస్థ రూ. 60 కోట్ల బడ్జెట్ తో తెలుగు, తమిళంలో తెరకెక్కించారు. ప్రపంచ వ్యాప్తంగా దాదాపు 2 వేల థియేటర్లలో ఈ సినిమాను ఈ రోజు రిలీజ్ చేసారు. ఈ సినిమాకు పబ్లిసిటీ కోసం కూడా బాగా ఖర్చు పెట్టారు. ఆల్రెడీ అన్ని చోట్ల నుండి సినిమాకు పాజిటివ్ టాక్ వస్తోంది.

స్లైడ్ షోలో రాజమౌళి ట్వీట్స్..