‘పెళ్లి చూపులు’ దర్శకుడు తరుణ్ భాస్కర్ సంచలన కామెంట్స్

దర్శికి అవార్డు రావడం సంతోషమే కానీ

ఐపా అవార్డ్స్ 2017లో ‘పెళ్లి చూపులు' సినిమాలో నటించిన ప్రియదర్శికి అవార్డు రావడం సంతోషంగానే ఉంది. అయితే మా చిత్ర బృందం పడ్డ కష్టానికి తగిన గుర్తింపు వస్తుందని భావించాను కానీ అలా జరుగక పోవడంతో డిసప్పాయింటుకు గురయ్యానని అన్నారు.

ఈ అవార్డు ఫంక్షన్స్ కేవలం డబ్బు కోసమే

ఈ అవార్డు ఫంక్షన్స్ ప్రధాన ఉద్దేశ్యం సినిమా టాలెంటును ఎంకరేజ్ చేయడం ఏమాత్రం కాదు.... టీవీ ఛానల్స్ కోసం, డబ్బు సంపాదించడమే వీటి ముఖ్య లక్ష్యం అని తరుణ్ భాస్కర్ అభిప్రాయ పడ్డారు.

మాకు అవార్డులు రాలేదని కాదు

మాకు అవార్డులు రాలేదని ఈ కామెంట్స్ చేయడం లేదు. ‘క్షణం' చిత్రానికి అవార్డుల పంట పండి ఉంటే నా తలను గర్వంగా పైకెత్తి నడుచుకుంటూ వెళ్లే వాడిని, అపుడు ఈ ఫంక్షన్లు నిజమైనవి, గొప్ప సినిమాలకు మాత్రమే పట్టం కడతారని నమ్మే వాడిని, కానీ ఇక్కడ అలా జకుగలేదు అని తరుణ్ భాస్కర్ అభిప్రాయ పడ్డారు.

ఇంకా వాళ్లను కాకా పడుతూనే ఉన్నాం

మనం ఇంకా స్టార్స్ ను కాకా పడుతూనే ఉన్నాం...చిన్న సినిమాలను అభినందించాలంటే భయపడి పోతున్నాం. స్టార్ డమ్ ను కీర్తిస్తూనే ఉన్నాం... అంటూ తరుణ్ భాస్కర్ పేర్కొన్నారు.

గుర్తింపు లేని లాభం ఎందుకు?

గుర్తింపు లేనపుడు మంచి పనులు చేయాలని ఎవరు మాత్రం అనుకుంటారు. తెలుగు భాషలో ప్రయోగాత్మక చిత్రాలు ఎందుకు చేయాలి. ఆ ప్రయోగాత్మక చిత్రాలు బాక్సాఫీసు వద్ద భారీ వసూళ్లు సాధించాయి. కానీ గుర్తింపు లేని లాభం ఎందుకు? అంటూ తరుణ్ భాస్కర్ అసహనం వ్యక్తం చేసారు.

కన్నడ పరిశ్రమ బెస్ట్

కన్నడ చిత్రాలకు వచ్చిన అవార్డులు చూస్తే సంతోషంగా ఉంది. ఏ సినిమాకైతే గొప్ప కథ, దర్శకత్వం, నటన ఉన్నాయో అవే అవార్డులను అందుకున్నాయి అని తరుణ్ భాస్కర్ అభిప్రాయ పడ్డారు.

స్టార్లతో సినిమా చేయను

నేను ఇపుడు ఒక స్ట్రాంగ్ నిర్ణయానికి వచ్చాను. స్టార్ డమ్ ఉపయోగించి ఎట్టి స్థిలోనూ సినిమా చేయను, ఇలానే కొత్త కథలతో ప్రయోగాత్మకంగా సినిమాలు చేస్తాను అంటూ తరుణ్ భాస్కర్ తేల్చి చెప్పారు.