ఆస్కార్ మెరుపులివే... తళుక్కుమన్న ప్రియాంక, భారతీయ నటుడు దేవ్‌పటేల్ కు తీవ్ర నిరాశ

| Updated: Monday, February 27, 2017, 11:11 [IST]

ప్రతిష్టాత్మక 89వ ఆస్కార్ అవార్డ్స్ 2017 వేడుక భారత కాలమానం ప్రకారం సోమవారం ఉదయం 5.30 గంటలకు లాస్ ఏంజిల్స్‌లోని హాలీవుడ్ అండ్ హైల్యాండ్ సెంటర్‌లో ఉన్న డాల్బీ థియేటర్‌లో ప్రారంభమైంది. ఈ సందర్భంగా ఏర్పాటుచేసిన రెడ్ కార్పెట్‌పై హాలీవుడ్ తారలు హొయలొలికించారు. బాలీవుడ్ నుంచి ప్రియాంక చోప్రా రెడ్ కార్పెట్‌పై దర్శనమిచ్చింది. పొడవాటి గౌనులో ఆకట్టుకుంది. అలాగే ప్రముఖ నటీమణులు క్రిస్సీ టైజెన్, హేలీ బెర్రీ, వియోలా డేవిస్, ఎమ్మా స్టోన్, నికోల్ కిడ్మన్, ఓలివియా హామిల్టన్, స్కార్లెట్ జాన్సన్, అలికా వికండర్‌తో పాటు నటులు రిజ్ అహ్మద్, మాట్ డామన్, దేవ్ పటేల్, జాకీచాన్ తదితరులు పాల్గొన్నారు.

క్వాంటికో టీవీ సిరీస్ ద్వారా హాలీవుడ్‌లో తనకంటూ ప్రత్యేక గుర్తింపు తెచ్చుకున్న బాలీవుడ్ తార ప్రియాంక చోప్రా. ఇప్పటికే హాలీవుడ్‌లో అనేక అవార్డులను సొంతం చేసుకున్న ఈ భామ సోమవారం ఉదయం (భారత కాలమానం ప్రకారం) లాస్ ఏంజిల్స్‌లోని డాల్బీ థియేటర్‌లో ప్రారంభమైన ఆస్కార్ అవార్డుల ప్రధానోత్సవంలో పాల్గొంది. ఈ సందర్భంగా ఏర్పాటుచేసిన రెడ్ కార్పెట్‌పై ప్రియాంక హొయలొలికించింది.

The Academy Awards honored Mahershala Ali of

ఉత్తమ సహాయనటుడు విభాగంలో పోటీపడిన దేవ్‌ పటేల్‌కు నిరాశ ఎదురైంది. ఈ విభాగంలో మూన్‌లైట్‌ చిత్రంలో నటించిన మహేర్షాలా అలీని అవార్డు వరించింది. ఆస్కార్‌ అవార్డు పొందిన మొదటి ముస్లిం నటుడు మహేర్షాలా అలీనే కావడం విశేషం. ఏడు ముస్లిం దేశాలపై ట్రంప్‌ ట్రావెల్‌ బ్యాన్‌ను విధించిన నేపథ్యంలో.. మహేర్షాలా ఆస్కార్‌ గెలవడంపై సర్వత్రా ప్రశంసల జల్లు కురుస్తోంది.