For Quick Alerts
    ALLOW NOTIFICATIONS  
    For Daily Alerts

    ఏది నిజం?.... డిక్టేటర్, నాన్నకు ప్రేమతో సినిమాలపై పుకార్లు!

    By Bojja Kumar
    |

    హైదరాబాద్: సంక్రాంతికి పండగ సందర్భంగా నందమూరి ఫ్యామిలీకి చెందిన ఇద్దరు స్టార్ హీరోల సినిమాలు విడుదలవుతున్న సంగతి తెలిసిందే. బాలయ్య నటించిన ‘డిక్టేటర్' సినిమాతో పాటు, జూ ఎన్టీఆర్ నటించిన ‘నాన్నకు ప్రేమతో' సినిమాలు ఈ పండక్కి పోటాపోటీగా విడుదలవుతున్నాయి.

    బాలయ్య... జూ ఎన్టీఆర్ వర్గాల మధ్య పడటం లేదని గత కొంత కాలంగా ప్రచారం జరుగుతోంది. ఈ నేపథ్యంలో కొన్ని షాకింగ్ పుకార్లు ప్రచారంలోకి వచ్చాయి. ఈ రెండు సినిమాలకు థియేటర్ల కేటాయింపు విషయంలో రాజకీయం జరుగుతోందని, కొన్ని చోట్ల బాలయ్య సినిమా ‘డిక్టేటర్'తో పోలిస్తే కేటాంపుల విషయంలో జూ ఎన్టీఆర్ ‘నాన్నకు ప్రేమతో' సినిమా అన్యాయం జరుగుతోందని రూమర్స్ వినిపిస్తున్నాయి.

    అయితే ఈ ప్రచారంలో నిజం ఎంతో తేలియడం లేదు. అన్యాయం జరుగుతోందని ‘నాన్నకు ప్రేమతో' డిస్ట్రిబ్యూటర్ల నుండి ఎలాంటి కంప్లయింట్ లేదు. అయితే వీరు అధికార పార్టీకి భయపడి బయట పడటం లేదనే ఓ వాదన కూడా ఉంది. మరి ఈ పుకార్లలో నిజం ఎంత? ఎవరైనా ప్రత్యర్థులు కావాలని ఇలాంటి ప్రచారం చేస్తున్నారా? అనేది తెలియాల్సి ఉంది.

    Theaters war between Dictator and Nannaku Prematho

    నటసింహ నందమూరి బాలకృష్ణ హీరోగా శ్రీవాస్ దర్శకత్వంలో రూపొందుతోన్న 99వ చిత్రం డిక్టేటర్. ఈరోస్ ఇంటర్నేషనల్, వేదాశ్వ క్రియేషన్స్ బ్యానర్స్ సంయుక్తంగా ఈ చిత్రాన్ని ఎంతో ప్రతిష్టాత్మకంగా నిర్మించాయి. అంజలి, సోనాల్ చౌహాన్, అక్ష హీరోయిన్స్ గా నటించారు. బాలకృష్ణ కెరీర్ లో అత్యధిక థియేటర్స్ లో వరల్డ్ వైడ్ గా ఈ సినిమాను సంక్రాంతి సందర్భంగా జ‌న‌వ‌రి 14న గ్రాండ్ లెవల్లో విడుద‌ల చేస్తున్నారు.

    యంగ్ టైగర్ ఎన్టీఆర్, ఆర్య సుకుమార్ కాంబినేషన్లో రిలయన్స్ ఎంటర్టెన్మెంట్స్ సమర్పణలో శ్రీవెంకటేశ్వర సినీ చిత్ర పతాకంపై బివిఎస్ఎన్ ప్రసాద్ నిర్మిస్తున్న చిత్రం ‘నాన్నకు ప్రేమతో'. జనవరి 13న ఈ చిత్రాన్ని వరల్డ్ వైడ్‌గా విడుదల చేయడానికి నిర్మాత బి.వి.ఎస్.ఎన్ ప్రసాద్ సన్నాహాలు చేస్తున్నారు.

    English summary
    The theaters war between Dictator and Nannaku Prematho is taking an ugly turn in some places in AP.
     
    న్యూస్ అప్ డేట్స్ వెంటనే పొందండి
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X