టాలీవుడ్లో హయ్యెస్ట్ రెమ్యూరేషన్ తీసకునే హీరో ఎవరు?

By Bojja Kumar

Updated: Monday, February 8, 2016, 15:56 [IST]

హైదరాబాద్: తెలుగు సినిమా పరిశ్రమ రోజు రోజుకు అభివృద్ధి చెందుతోంది. ముఖ్యంగా బడ్జెట్ విషయాల్లో, హీరోల రెమ్యూనరేషన్ విషయాల్లో మాత్రం టాలీవుడ్ శర వేగంగా దూసుకోలుతోంది. ప్రస్తుతం తెలుగు టాప్ స్టార్లలో రూ. 10 కోట్లకు తక్కువ రెమ్యూనరేషన్ ఎవరూ తీసుకోవడం లేదంటే అతిశయోక్తి కాదేమో.

కొందరు హీరోలైతే ఇటు భారీ రెమ్యూనరేషన్ తో పాటు.....అదనంగా శాటిలైట్ రైట్స్ రూపంలో వచ్చే మొత్తం లేదా, లాభాల్లో వాటా కూడా తీసుకుంటున్నారు. ఈ మధ్య కాలంతో టాలీవుడ్ టాప్ స్టార్ల సినిమాలు కేవలం తెలుగుకు మాత్రమే పరిమితం కాకుండా ఇతర బాషల్లో కూడా రిలీజ్ అవుతున్నారు.

తెలుగుతో పాటు పొరుగురాష్ట్రాలైన తమిళనాడు, కర్ణాట, కేరళలో కొందరు తెలుగు స్టార్ల సినిమాలకు మంచి డిమాండ్ ఉంది. బాలీవుడ్లోనూ మన సినిమాలు అనువాదం అవుతున్నాయి. తమ మార్కెట్ కు తగిన విధంగానే భారీగా రెమ్యూనరేషన్ తీసుకుంటున్నారు. టాలీవుడ్లో సర్కిల్ లో వినిపిస్తున్న వార్తల ప్రకారం రెమ్యూనరేషన్ విషయంలో మహేష్ బాబు అందరికంటే టాపులో ఉన్నారట.