హోమ్

న్యూస్

"నేను మాట్లాడుతున్నప్పుడు నీ చెవులు మాత్రమే పని చెయ్యాలి..అది తప్ప వేరే ఏదైనా పని చేస్తే నీకు నెక్ట్స్ బర్తడే ఉండదు" అంటూ వార్నింగ్ ఇచ్చిన సింహా (బాలయ్య) రేపు(జూన్ 9, గురువారం) 51వ పుట్టిన రోజు జరుపుకోనున్నారు. ఈ సందర్భంగా హైదరాబాద్ యూసఫ్ గూడలోని కోట్ల విజయ భాస్కర రెడ్డి ఇండోర్ స్టేడియంలో పార్లమెంట్ సభ్యుడు ప్రముఖ దర్శకుడు దాసరి నారాయణ రావు డైరక్షన్ లో పరమ వీర చక్ర చిత్రం ముహూర్తపు షాట్ ని చిత్రీకరించనున్నారు. ఈ కార్యక్రమంలో పెద్ద ఎత్తున అభిమానులు పాల్గొననున్నారు. ఈ కార్యక్రమలో చంద్రబాబు నాయుడు కూడా పాల్గొననున్నారు. బాలకృష్ణ జన్మ దినోత్సవాన్ని పురస్కరించుకుని తెలుగు యువత నేతలు బీద రవిచంద్ర యాదవ్, ఎంవీ సత్యనారాయణ రాజు, మద్ది పట్ల సూర్య ప్రకాష్..నేతృత్వంలో ఏర్పాట్లు ముమ్మరంగా జరుగుతున్నాయి. ఇక ఈ చిత్రం ప్రారంభోత్సవం సందర్భంగా బందోబస్తు ఏర్పాటు చేయాలని నిర్మాత సి.కళ్యాణ్ పోలీసులను కోరారు. మంగళవారం జూబ్లీహిల్స్ పోలీస్ స్టేషన్ లో ఆయన ధరాకాస్తు చేసుకున్నారు. ఈ కార్యక్రమానికి మూడు వేల మంది అభిమానులు వస్తారని ఆ ధరాకాస్తులో కళ్యాణ్ పేర్కొన్నారు.