త్రివిక్రమ్ శ్రీనివాస్ నెక్ట్స్ ఫిల్మ్ ఆ హీరోతో కన్ఫర్మ్...

మల్లేశ్వరి, నువ్వు నాకు నచ్చావ్ కాంబినేషన్ మరో సారి రిపీట్ కానుంది. త్రివిక్రమ్ శ్రీనివాస్ లాంగ్ గ్యాప్ తో వెంకటేష్ తో ఓ రొమాంటిక్ కామిడీకి శ్రీకారం చుడుతున్నారు. అయితే ఈ సారి రైటర్ గా కాకుండా దర్శకుడుగా వెంకటేష్ తో పనిచేయనున్నారు. నిర్మాత దానయ్య ఈ కాంబినేషన్ ని సెట్ చేసారు. ఈ సంవత్సరం ఆఖరులో ఈ చిత్రం ప్రారంభం కానుంది. అయితే ప్రారంభమైన ఆరు నెలల లోపే ఈ చిత్రం రిలీజ్ కావాలనే కండీషన్ మీదే త్రివిక్రమ్ కి ఈ చిత్రం ఇచ్చినట్లు చెప్పుతున్నారు. ఇక త్రివిక్రమ్ ప్రస్తుతం మహేష్ బాబుతో ఖలేజా చిత్రం రూపొందిస్తున్నారు. అనూష్క కాంబినేషన్ లో రూపొందుతున్న ఈ చిత్రాన్ని శింగనమల రమేష్ భారీ బడ్జెట్ తో నిర్మిస్తున్నారు. అలాగే వెంకటేష్ ప్రస్తుతం పి.వాసు దర్శకత్వంలో చంద్రముఖి సీక్వెల్ లో నటిస్తున్నారు.