త్రివిక్రమ్ శ్రీనివాస్ నిర్మాతగా హీరో నాని చిత్రం!

కథ నచ్చి

ఇటీవలే అవసరాల శ్రీనివాస్ తన వద్ద ఉన్న కథను త్రివిక్రమ్ కు వినిపించాడని, నాని హీరోగా అయితే ఈ కథ బావుంటుందని ఇద్దరూ డిసైడ్ అయి ఓ నిర్ణయానికి వచ్చారని సమాచారం.

నాని

ప్రస్తుతం హీరో నాని రెండు ప్రాజెక్టులతో బిజీగా గడుపుతుండగా.... అవసరాల శ్రీనివాస్ కూడా ‘బాబు బాగా బిజీ' అనే సినిమాలో నటిస్తూ బిజీగా గడుపుతున్నారు. ఇద్దరి కమిట్మెంట్స్ పూర్తయిన తర్వాత త్రివిక్రమ్, అవసరాల శ్రీనివాస్, నాని కాంబినేషన్లో సినిమా ప్రారంభం అయ్యే అవకాశం ఉంది.

అంచనాలు

వరుస విజయాలతో నాని మినిమమ్ గ్యారంటీ హీరోగా మంచి పేరు తెచ్చుకున్నాడు. అవసరాల శ్రీనివాస్ కూడా విభిన్నమైన కథలతో ప్రేక్షకులను మెప్పిస్తున్నాడు. వీరికి త్రివిక్రమ్ ఇమేజ్ కూడా తోడైతే సినిమాపై అంచనాలు భారీగా ఉంటాయని అంటున్నారు సినీ విశ్లేషకులు.