For Quick Alerts
    ALLOW NOTIFICATIONS  
    For Daily Alerts

    హీరోగా మారిన...‘మొగిలి రేకులు’ సాగర్

    By Bojja Kumar
    |

    హైదరాబాద్ : 'మొగిలి రేకులు' సీరియల్ ద్వారా బుల్లితెర ప్రేక్షకుల ఆదరణ పొందిన సాగర్....ఇప్పుడు హీరోగా పరిచయం కాబోతున్నాడు. సాగర్, మృదుల జంటగా అభీ స్టూడియోస్ పతాకంపై ప్రొడక్షన్ నెం.1గా రూపొందిస్తున్న చిత్రంలో రాజేంద్రప్రసాద్ ప్రధాన పాత్ర పోషిస్తున్నారు. రాజేంద్రప్రసాద్‌కు జోడీగా రాశి నటిస్తోంది. గోకుళంలో సీత, సుభాకాంక్షలు, గిల్లిగజ్జాలు చిత్రాల్లో నటించిన రాశి చాలా కాలం తర్వాత ఈ చిత్రంతో మళ్లీ సినిమాల్లోకి రీఎంటరీ ఇస్తోంది.

    ప్రస్తుతం ఈ చిత్రం షూటింగ్ హైదరాబాద్‌లో జరుగుతోంది. ఈ సందర్భంగా ఏర్పాటుచేసిన పాత్రికేయుల సమావేశంలో చిత్ర నిర్మాత మాట్లాడుతూ- ఈ సినిమా చూస్తుంటే అప్పట్లో రాజేంద్రప్రసాద్ సినిమాలు చూసిన అనుభూతి కలుగుతుందని, మొగలి రేకుల ద్వారా మంచి నటుడిగా గుర్తింపు పొందిన సాగర్ ఈ చిత్రం ద్వారా కథానాయకుడిగా పరిచయం అవుతున్నారని తెలిపారు.

    దర్శకుడు అరుణ్‌ప్రసాద్ మాట్లాడుతూ- అద్భుతమైన ఈ కథను నిర్మాత కుమార్తె అందించారని, రాజేంద్రప్రసాద్ కీలకమైన పాత్రలో నటిస్తున్నారని, ప్రస్తుతం చిత్రంలోని కీలక సన్నివేశాలను చిత్రీకరిస్తున్నామని తెలిపారు. కథ బాగా నచ్చి ఈ చిత్రాన్ని చేస్తున్నానని, షూటింగ్‌లో పాత రోజులు గుర్తుకువస్తున్నాయని, సెట్‌లో అంతా పాజిటివ్ వైబ్రేషన్స్ కన్పిస్తున్నాయని, తప్పక ఈ చిత్రం విజయవంతమవుతుందన్న నమ్మకం ఉందని కథానాయకుడు రాజేంద్రప్రసాద్ తెలిపారు.

    గిరిబాబు, జె.పి., ఎం.ఎస్.నారాయణ, రఘుబాబు, జాన్ కొక్కెర, హేమ, రాఘవ, చంటి, సుభాషిణి, విష్ణుప్రియ తదితరులు నటిస్తున్న ఈ చిత్రానికి సంగీతం:చిన్ని చరణ్, కెమెరా: జశ్వంత్, కథ, స్క్రీన్‌ప్లే:మాధురి మాధవి, మాటలు: చందు, నిర్మాత: బి.సత్యనారాయణ, దర్శకత్వం: పి.వి. అరుణ్‌ప్రసాద్.

    English summary
    TV star Sagar(Mogali Rekulu fame) turned as Hero. He has been paired with newcomer Mrudula. The yet untitled film is being directed by P A Arun Prasad. Rajendra Prasad and Raasi play important roles.
     
    న్యూస్ అప్ డేట్స్ వెంటనే పొందండి
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X