»   »  ఉదయ్ కిరణ్ దానికయినా పనికొస్తాడా?

ఉదయ్ కిరణ్ దానికయినా పనికొస్తాడా?

Posted By:
Subscribe to Filmibeat Telugu
Uday Kiran
చిత్రం,నువ్వు నేను,మనసంతా నువ్వే వంటి హిట్ చిత్రాలతో బోయ్ నెక్ట్స్ డోర్ ఇమేజ్ సంపాదించుకున్న ఉదయ్ కిరణ్ ఇప్పుడు డల్ ఫేజ్ లో ఉన్నాడు. చివరకు ఎన్నో ఆశలు పెట్టుకున్న గుండె ఝల్లుమంది సినిమా కూడా ఫ్లాఫ్ కావటంతో అతనికి ఏం చేయాలో అర్ధం కానీ స్ధితిలో డైలమాను ఎదుర్కొంటున్నాడు. తాజాగా రిలీజ్ కి రెడీ అవుతున్న ఏకలవ్యుడు సినిమా మీద కూడా పెద్ద ఆశలు ఉన్నట్లు కనపడటం లేదు. దాంతో ఇప్పుడు అతను నేను గెస్ట్ రోల్స్ కి రెడీ అంటున్నాడు. నిర్ణయం మంచిదే కానీ ఈ వ్యూహం ఫలిస్తుందా అన్నది చాలా మందికి కలుగుతున్న సందేహం.

ఎందుకంటే గెస్ట్ రోల్స్ వేయాలంటే కాస్త పేరున్న హీరోలను,డిమాండ్ ఉన్న హీరోలను అడుగుతారు. తమ సినిమాకు ఏమన్నా ఫ్లస్ అవుతుందన్న భ్రమ ఉంటేనే అటువంటి ప్రయత్నాలు దర్శక,నిర్మాతలు చేస్తారు. కొద్ది కాలంగా జగపతిబాబు ఇలా గెస్ట్ రోల్స్ వేస్తూ బిజీగా ఉన్నాడు. ఇక ఇఫ్పుడు ఎన్టీఆర్ రెండువ తేదీన రిలీజ్ కాబోతున్న చింతకాయల రవి చిత్రంలోనూ,పూరీ నేనింతే లోనూ గెస్ట్ రోల్స్ కి రెడీ అవుతున్నాడు. అలాగే వెంకటేష్ మర్మయోగి చిత్రంలో గెస్ట్ చేస్తున్నాడు. ఇవన్నీ దృష్టిలో పెట్టుకునే ఉదయ్ ఆ మాట అన్నా ఎవరు తమ సినిమాల్లో గెస్ట్ గా పిలుస్తారనేది ఆలోచించాల్సిన విషయమే. ఇక అతను ఇద్దరు హీరోల సినిమాల్లో ప్రయత్నాలు చేస్తే ఏమన్నా ఫలితం ఉండవచ్చు.అలాగే హీరోయిన్ ఓరియంటెడ్ చిత్రాల్లో ప్రయత్నించినా మళ్ళీ ఎప్పటికైనా లైమ్ లైట్ లోకి వచ్చే అవకాశం ఉంటుంది.

 

తక్షణ సినీ వార్తలు, మూవీ రివ్యూలను రోజంతా పొందండి - Filmibeat Telugu

X