రాజమౌళి ఉన్నారు! వాళ్లని పొగడొద్దు(వర్ణ ఆడియో ఫోటోలు)

నిర్మాత మాట్లాడుతూ..

ఈ సినిమా క్రెడిట్ సెల్వ రాఘవన్, అనుష్క, ఆర్యలకే దక్కుతుంది. వీళ్లు ముగ్గురు లేకుంటే వర్ణ అనే రంగుల ప్రపంచాన్ని మీకు చూపించలేం. రెండేళ్ల పాటు ఎంతో కష్టపడి సినిమా తీసాం. ఈచిత్రం తప్పకుండా ప్రేక్షకులను రంజింప చేసే విధంగా ఉంటుంది అన్నారు.

అనుష్క మాట్లాడుతూ...

దర్శకులు, నిర్మాతలు నాపై నమ్మకంతో మంచి రోల్స్ ఇచ్చారు కనుకే ఇలాంటి సినిమాలు చేయగలిగాను. దర్శకుడు సెల్వ, నిర్మాత ప్రసాద్ గారు లేకుంటే ఈ సినిమా లేదు. ఈదొక లవ్ స్టోరీ. ఇప్పటి వరకు ఎవరూ చూడని విధంగా ఉంటుంది అన్నారు.

ఆర్య మాట్లాడుతూ...

ఈ సినిమాకు నేను హీరో కాదు.... అనుష్కనే హీరో. ఆమె కత్తి పట్టడంలో ఎక్స్‌పర్ట్. సినిమా అందరికీ నచ్చే విధంగా విభిన్నంగా ఉంటుంది అన్నారు.

సంగీత దర్శకుడు హరీష్ జైరాజ్ మాట్లాడుతూ..

ఈ సినిమాకు పని చేసే అవకాశం రావడం ఎంతో గొప్పగా భావిస్తున్నాను. ఆర్య, అనుష్క వల్ల నా పాటలకి కొత్త కలర్ వచ్చింది. అనిరుధ్ బ్యాగ్రౌండ్ స్కోర్ బాగా ఇచ్చాడు. చంద్రబోస్ మంచి లిరిక్స్ ఇచ్చారు అన్నారు.

చంద్రబోస్ మాట్లాడుతే...

సెల్వరాఘవన్ దర్శకత్వంలో పని చేయడం ఆనందంగా ఉంది. ఆయన నాతో దగ్గరుండి పాటలు రాయించుకున్నారు. హరీస్ జైరాజ్ మంచి సంగీతాన్ని అందించారు. సినిమా పెద్ద విజయం సాధించాలని ఆకాంక్షిస్తున్నాను అన్నారు.