వర్ణ మూవీ టాకేంటి? ఆడియన్స్ ట్వీట్ రివ్యూ

By Bojja Kumar

Updated: Friday, November 22, 2013, 14:14 [IST]

హైదరాబాద్: అనుష్క, ఆర్య జంటగా సెల్వరాఘవన్ దర్శకత్వంలో తెరకెక్కిన 'వర్ణ' చిత్రం భారీ అంచనాల మధ్య ఈ రోజు విడుదలైంది. రూ. 65 కోట్ల భారీ బడ్జెట్‌తో విభిన్నమైన కథాంశం, భారీ గ్రాఫిక్స్‌తో తెరకెక్కిన ఈచిత్రం ప్రేక్షకులను ఎప్పటి నుండో ఊరిస్తోంది. యుగానికొక్కడు లాంటి హిట్స్ ఇచ్చిన దర్శకుడు కావడంతో అంచనాలు ఆకాశాన్ని అంటాయి.

'వర్ణ' ఒక రొమాంటిక్ ఫాంటసీ ఫిల్మ్. ఈ చిత్రానికి కథ, దర్శకత్వం సెల్వరాఘవన్. రెండు విభిన్నమైన ప్రపంచాల నేపథ్యంలో ఈ చిత్రం నడుస్తుంది. ఈచిత్రంలో ఆర్య, అనుష్క ద్విపాత్రాభినయం చేసారు. ఈ చిత్రంలో క్యారెక్టర్ కోసం ఆర్య సిక్స్ ప్యాక్ బాడీ పెంచడం విశేషం. చిత్రంలోని పోరాట సన్నివేశాల కోసం ఆర్య, అనుష్క కత్తి యుద్ధంలో శిక్షణ పొందారు.

ఆంధ్రప్రదేశ్‌లోని అందమైన లొకేషన్లతో పాటు, జార్జియా దేశంలోని అడవుల్లో, గోవా, రియో డె జానెరియో, బ్రిజిల్ తదితర ప్రాంతాల్లో చిత్రీకరణ జరిపారు. ఈచిత్రానికి హరీష్ జైరాజ్ సంగీతం అందించగా, అనిరుద్ రవిచంద్రన్ బ్యాగ్రౌండ్ స్కోర్ కంపోజ్ చేసారు. రామ్ జీ సినిమాటోగ్రఫీ అందించారు. ఫరూఖ్, సత్యం శివకుమార్, సోనుసూద్, ఢిల్లీ గణేష్, అను హాసన్ ఇతర ముఖ్య పాత్రల్లో నటించారు. అవతార్ చిత్రానికి పని చేసిన హాలీవుడ్ టెక్నీషియన్స్ ఈచిత్రానికి స్పెషల్ ఎఫెక్ట్స్ అందించారు.

ఈ రోజు విడుదలైన ఈచిత్రానికి ప్రేక్షకుల నుంచి మిశ్రమ స్పందన లభిస్తోంది. సినిమా చూసిన వారు ట్విట్టర్లో తమదైన రీతిలో స్పందించారు. వారి అభిప్రాయాలపై ఓ లుక్కేద్దాం...