Click it and Unblock the Notifications
అనుష్క చేసే విన్యాసాలు ఆకట్టుకొంటాయి
నిర్మాత పరం వి.పొట్లూరి మాట్లాడుతూ ''సాంకేతిక హంగులతో రూపుదిద్దుకొంటున్న చిత్రమిది. హాలీవుడ్ నిపుణులు ఈ సినిమా కోసం పనిచేశారు. అనుష్క నటన, ఆమె చేసే విన్యాసాలు తప్పకుండా ఆకట్టుకొంటాయి. హారిష్ జయరాజ్ సంగీతం అందించారు''అన్నారు. తెలుగు, తమిళ భాషల్లో ఈ చిత్రాన్ని ఒకేసారి విడుదల చేయనున్నారు.
దర్శకుడు మాట్లాడుతూ... ''జార్జియా దేశంలో తెరకెక్కించిన సన్నివేశాలు ప్రధాన ఆకర్షణగా నిలుస్తాయి. అక్కడ 18వ శతాబ్దంనాటి భవంతిలో చిత్రించిన దృశ్యాలు కీలకమైనవి''అని తెలిపాయి. గతంలో 'యుగానికి ఒక్కడు' లాంటి విభిన్నమైన సినిమాలు తెరకెక్కించిన సెల్వరాఘవన్ ఈ సినిమానే ఎలా చూపించబోతున్నాడు అనే ఆసక్తి నెలకొంది.
అనుష్క, తమిళ హీరో ఆర్య జంటగా సెల్వరాఘవన్ దర్శకత్వంలో తమిళంలో 'ఇరండమ్ ఉలగమ్' అనే చిత్రానికి తెలుగు టైటిల్ 'బృందావనంలో నందకుమారుడు' కాకుండా 'వర్ణ' అని మార్చిన సంగతి తెలిసిందే. ఆ మధ్య ఇందుకు సంబంధించిన ఫస్ట్లుక్ ఫోటోలు విడుదల చేసారు. గతంలో 'అరుంధతి' చిత్రంలో కత్తి పట్టిన అనుష్క....వర్ణ చిత్రంలో కత్తి పోరాటాలు చేస్తూ సాహస యువతిగా కనిపించనుంది.
ఈ చిత్రంలో అనుష్క ద్విపాత్రాభినయం చేస్తోంది. ఒక పాత్రలో ఆమె సాధారణ గృహిణిగా, ఒక పాత్రలో ట్రైబల్ ఉమన్(ఆటవిక యువతి)గా కనిపించనుంది. జార్జియా అడవుల్లో అనుష్కపై కొన్ని కీలక సన్నివేశాలు చిత్రీకరించారు. ఈ సినిమాలో పోషిస్తోన్న విలక్షణమైన పాత్ర కోసమే అనుష్క మార్షల్ ఆర్ట్స్ ని సైతం నేర్చుకుంది. అరుంధతి తర్వాత అనుష్కకు ఈచిత్రం బాగా పేరు తెస్తుందనే టాక్ సినీ వర్గాల్లో వినిపిస్తోంది. సాహిత్యం: చంద్రబోస్.
Continue with Google