ప్రేమలో పడ్డాను .. ఆ విషయంలో పవన్ క్లాస్ పీకాడు.. వరుణ్ తేజ్

స్కూల‌్‌లో వన్‌సైడ్ లవ్

నేను సీరియస్‌గా ప్రేమలో పడిన దాఖలాలు లేవు. సినిమాల ప్రభావంతో స్కూల్‌లో ఓ అమ్మాయితో ఇష్టపడ్డాను. అప్పట్లో నాది వన్‌సైడ్ లవ్ మాత్రమే. నా మనసులో మాటను ఆమెకు చెప్పలేకపోయాను. కాకపోతే చనువుగా రెండు, మూడుస్లార్లు ఆమెతో మాట్లాడాను. ఆ తర్వాత ఆమె విదేశాలకు వెళ్లిపోవడంతో నా లవ్‌కు పుల్‌స్టాప్ పడింది.

Recommended Video

Tholi Prema 1st Day Collections

చెల్లెలు నిహారిక పెళ్లిపై గాసిప్స్

మా చెలెల్లు నిహారిక పెళ్లి గురించి మీడియాలో చాలా గాసిప్స్ వచ్చాయి. తాను ఎప్పుడు పెళ్లి చేసుకోవాలనుకొంటే తన ఇష్ట ప్రకారం పెళ్లి చేసుకొంటుంది. నిహారిక ప్రతిభావంతురాలు. నాకంటే తెలివైనది. ఏ విషయంలోనూ ఆమెపై బలవంతంగా అభిప్రాయాలను రుద్దబోము.

చిరంజీవితో చనువుగా

నాకు పెదనాన్న చిరంజీవితో చాలా చనువు ఉంది. తెలుగు సినీ పరిశ్రమ హైదరాబాద్‌కు తరలి వచ్చినప్పుడు మా కుటుంబం ముందుగా ఇక్కడికి వచ్చింది. అప్పుడు ఎక్కువగా మా ఇంట్లోనే చిరంజీవి గారు ఉండేవాళ్లు. నేను, మా చెల్లెలు పెదనాన్నతో గడిపేవాళ్లం.

చిరంజీవి స్ఫూర్తితోనే

ఇంద్ర 175 రోజుల ఫంక్షన్లో చిరంజీవికి ఉన్న క్రేజ్‌ను చూసి స్ఫూర్తి పొందాను. చిరంజీవిపై ఉన్న అభిమానాన్ని చూసి ముగ్ధుడినయ్యాను. ఇంద్ర ఫంక్షన్‌కు తరలివచ్చిన జనం చూసి నటుడిగా మారాలని అప్పుడే నిర్ణయించుకున్నాను.

పవన్ అలా హెచ్చరించాడు

బాబాయ్ పవన్ కల్యాణ్ చాలా తక్కువగా మాట్లాడుతారు. బాబాయ్‌తో గడపడానికి ఇష్టపడుతాను. పవన్‌ను ఎక్కువగా కలుస్తాను. జాగ్రత్తగా ఉండమని కొన్నిసార్లు తమను హెచ్చరిస్తుంటారు.

నాకు, సాయికి పవన్ కల్యాణ్ క్లాస్

ఒకరోజు సాయిధరమ్ తేజ్, నేను కలిసి రాత్రి వేళ బయటకు వెళ్లి ఆలస్యంగా వచ్చాం. అప్పుడు బాబాయ్ సీరియస్ మాకు క్లాస్ పీకారు. చిరంజీవి అనే భారీ వృక్షం కింద మనం ఉన్నాం. ఆయన ప్రతిష్టకు భంగం కలిగించవద్దు. జీవితాన్ని సీరియస్‌గా తీసుకోవాలి అని పవన్ చెప్పారు.

నాలో మార్పు వచ్చింది..

చిరంజీవిని చూసి అవకాశాలు ఎవరూ ఇవ్వరు. మీ వ్యక్తిగత ప్రతిభపైనే మీ కెరీర్ ఆధారపడి ఉంటుంది. మనం తీసుకొనే నిర్ణయాలపైనే జీవితం ఆధారపడి ఉంటుంది. అప్పటి నుంచి మాలో మార్పు వచ్చింది అని వరుణ్ తేజ్ చెప్పారు.