మూడో రికార్డ్ పై గురి పెట్టిన వరుణ్ తేజ్..టాలీవుడ్ లో అతడే ఫస్ట్ హీరో!

టాలీవుడ్ లో ఫస్ట్ హీరో అతడే

వరల్డ్ వార్ 2 నేపథ్యం ఉన్న కథలో నటించిన తొలి టాలీవుడ్ హీరో వరుణ్ తేజ్ కావడం విశేషం. వరుణ్ తేజ్ కంటించిన కంచె చిత్రం రెండవ ప్రపంచ యుద్ధ నేపథ్యంలో వచ్చిన సంగతి తెలిసిందే. ఆ చిత్రం విజయం సాధించకున్నా వరుణ్ నటనకు ప్రశంసలు దక్కాయి.

తొలి మెగా హీరో

మెగా ప్రిన్స్ గా కీర్తించబడుతున్న వరుణ్ తేజ్ కు క్రమంగా లవర్ బాయ్ ఇమేజ్ పెరుగుతోంది. మెగా ఫ్యామిలిలో ఆరడుగుల అందగాడు వరుణ్ కావడం విశేషం.

వరుస హిట్లతో జోరు

ఫిదా చిత్రంతో బ్లాక్ బాస్టర్ హిట్ కొట్టిన వరుణ్ తేజ్ నేడు తొలిప్రేమ చిత్రంతో ప్రేక్షకుల ముందుకు వచ్చాడు. తొలిప్రేమ చిత్రం మొదటి షో నుంచే సూపర్ హిట్ టాక్ ని సొంతం చేసుకుంది. తొలిప్రేమ చిత్రంలో వరుణ్ అద్భుతమైన నటన కనబరిచాడంటూ ప్రశంసలు దక్కుతున్నాయి.

ఆ ఘనత సాధించబోతున్న తొలి టాలీవుడ్ హీరో

వరుస హిట్లతో జోష్ లో ఉన్న వరుణ్ తేజ్ తాజగా మరో చిత్రాన్ని ఒకే చేసాడు. అది కూడా అలాంటి ఇలాంటి చిత్రం కాదు. స్పేస్ నేపథ్యంలో తెరకెక్కబోతున్న చిత్రం. టాలీవుడ్ లో ఇంతవరకు స్పేస్ నేపథ్యంలో సినిమా రాలేదు. దీనితో ఆ ఘనత అందుకోబోతున్న తొలి టాలీవుడ్ హీరోగా వరుణ్ అవతరించనున్నాడు.

సంచలన దర్శకుడి దర్శకత్వంలో

ఘాజి చిత్రంతో మెస్మరైజ్ చేసిన సంకల్ప్ రెడ్డి ఈ చిత్రానికి దర్శకత్వం వహించబోతున్నాడు. అండర్ వాటర్ మిషన్ గా సబ్ మెరైన్ యుద్ధం నేపథ్యంలో ఘాజి చిత్రాన్ని సంకల్ప్ రెడ్డి అద్భుతంగా ఆవిష్కరించారు. ఆయన చెప్పిన స్పెస్ కథ నచ్చడంతో వరుణ్ ఒకే చేసినట్లు తెలుస్తోంది. విజువల్ ఎఫెక్ట్స్ ఈ చిత్రంలో ఆకర్షణగా నిలవనున్నాయట.