Don't Miss!
- News కేంద్రంలోని బీజేపీ, రాష్ట్రంలోని కాంగ్రెస్ సర్కారును ఏకిపారేసిన కేసీఆర్
- Lifestyle చాణక్య నీతి ప్రకారం, ఈ అలవాట్లు మీకు తెలియకుండానే మీ సంపదను పూర్తిగా నాశనం చేస్తాయి...!
- Sports SRH vs RCB: కొంపముంచిన విరాట్ కోహ్లీ జిడ్డు బ్యాటింగ్!
- Technology OnePlus Watch 2 వన్ప్లస్ వాచ్ 2 కొత్త వేరియంట్ విడుదల.. ధర, సేల్ పూర్తి వివరాలు..!
- Finance Jio Cinema Premium: నెలకు 29లతో జియో ప్రీమియం..
- Automobiles వందేభారత్ రైళ్లలో 1 లీటర్ వాటర్ బాటిల్ రద్దు.. రైల్వే శాఖ కీలక నిర్ణయం
- Travel కేవలం రూ. 5వేలతో హిమాచల్ప్రదేశ్లోని ఈ ప్రాంతాలను చుట్టేయొచ్చు..!
టాలీవుడ్ చరిత్రలోనే ఫస్ట్ టైమ్.. మూడు రోజుల ముందే వీరభోగ వసంత రాయలు!
Recommended Video
నారా రోహిత్, సుధీర్ బాబు, శ్రీయ సరన్, శ్రీవిష్ణు ప్రధాన పాత్రల్లో నటిస్తున్న వీరభోగ వసంత రాయలు అక్టోబర్ 26న విడుదల కానుంది. ఈ చిత్ర ఓవర్సీస్ హక్కులను ఫ్లైహై సినిమాస్ సొంతం చేసుకుంది. ఆసక్తికరంగా ఈ చిత్ర ప్రీమియర్స్ ను ఓవర్సీస్ డిస్ట్రిబ్యూటర్లు విడుదలకు ఏకంగా మూడు రోజుల ముందే ప్లాన్ చేస్తున్నారు. ఇలా మూడు రోజుల ముందే ప్రీమియర్లను ఏర్పాటు చేయడం టాక్ ఆఫ్ ది ఇండస్ట్రీగా మారింది. సినిమాపై ఉన్న నమ్మకంతోనే చిత్ర యూనిట్ ధైర్యం చేస్తుందనే మాట వినిపిస్తున్నది. వివరాల్లోకి వెళితే..
దేశభక్తి నేపథ్యంతో క్రైమ్ థ్రిల్లర్గా
ఇక వీరభోగ వసంత రాయలు విషయానికి వస్తే.. ఇది ఒక దేశభక్తి నేపథ్యంగా సాగే క్రైమ్ థ్రిల్లర్. ఈ చిత్రాన్ని ఇంద్రసేన తెరకెక్కించారు. ఈ మధ్యే విడుదలైన టీజర్ కు అద్భుతమైన స్పందన వచ్చింది. మార్క్ కే రాబిన్ ఈ చిత్రానికి సంగీతం అందిస్తుండగా.. బాబా క్రియేషన్స్ బ్యానర్ పై అప్పారావ్ బెల్లన ఈ చిత్రాన్ని నిర్మిస్తున్నారు.
ఆసక్తికరంగా సినిమా టైటిల్
బాబా క్రియేషన్ బ్యానర్ పై అప్పారావు బల్లెన నిర్మిస్తోన్న వీరభోగ వసంత రాయులు అనే టైటిల్ ఇంప్రెసివ్గా ఉందనే మాట వినిపిస్తున్నది. ఆసక్తికరంగా ఉన్న టీజర్ సినిమాపై భారీ అంచనాలు పెంచింది. సరికొత్త కాన్సెప్ట్తో వస్తున్నట్టు సినీ వర్గాలు పేర్కొంటున్నాయి.
అక్టోబర్ 23నే యూఎస్ ప్రీమియర్స్
ఇప్పటి వరకు తెలుగు సినిమా చరిత్రలో ఎన్నడూ జరగని విధంగా అక్టోబర్ 23నే యూఎస్ ప్రీమియర్స్ ప్లాన్ చేస్తున్నారు. టాలీవుడ్కు సంబంధించిన ఓవర్సీస్ బిజినెస్లో ఫ్లైహై సినిమాస్ చాలా వేగంగా దూసుకెళ్తున్నది. ఇటీవల విడుదలైన దేవదాస్ సినిమాను భారీ సెంటర్లలో ఈ సంస్థే విడుదల చేసింది.
అక్టోబర్ 26న భారీగా రిలీజ్
గ్రాండ్ ప్రమోషన్స్ మధ్య అక్టోబర్ 26న భారీగా విడుదల చేసేందుకు చిత్ర యూనిట్ ప్లాన్ చేస్తున్నది. వీరభోగ వసంతరాయలు చిత్రం నారా రోహిత్, శ్రీ విష్ణు, సుధీర్ బాబు, శ్రీయ కేరీర్లో మైలురాయిగా నిలుస్తుందనే మాట వినిపిస్తున్నది. కొద్ది రోజులు ఆగితే ఈ సినిమా ఎలాంటి టాక్ సంపాదించుకొంటుందో తెలియడం ఖాయం.