Don't Miss!
- News సీఎం ఏటీఎం కార్డు అయ్యాడు, అందుకే టూర్లు వేస్తున్నారు, ఎంతకావాలంటే అంత డబ్బులు !
- Finance Jio Cinema Premium: నెలకు 29లతో జియో ప్రీమియం..
- Sports RCB: నా గుండె బద్దలైంది- డివిలియర్స్
- Technology యూట్యూబ్కు పోటీగా TV యాప్.. ఫీచర్లు, అల్గారిథమ్ పైన X సీఈవో ఏమన్నారంటే.. ?
- Lifestyle టాక్సిక్ రిలేషన్షిప్లో ఉన్నారనడానికి ఇవే సంకేతాలు.. ?
- Automobiles వందేభారత్ రైళ్లలో 1 లీటర్ వాటర్ బాటిల్ రద్దు.. రైల్వే శాఖ కీలక నిర్ణయం
- Travel కేవలం రూ. 5వేలతో హిమాచల్ప్రదేశ్లోని ఈ ప్రాంతాలను చుట్టేయొచ్చు..!
పవన్ తో నా కాంబినేషన్ ఉంటుంది: వెంకటేష్
ఇక మల్టీస్టారర్ హంగామా కొనసాగింపు విషయమై మాట్లాడుతూ వెంకటేష్ స్పందిస్తూ...మంచి కథలొస్తే తప్పకుండా చేస్తా. సోలో హీరోగా రెండు సినిమాలు చేస్తే.. ఒకటి మరో హీరోతో కలసి చేస్తా. త్వరలో రామ్చరణ్తో ఓ సినిమా చేస్తున్నా. కృష్ణవంశీ దర్శకత్వం వహిస్తారు అని చెప్పారు. ఆయన హీరోగా నటించిన 'మసాలా' ఈనెల 14న ప్రేక్షకుల ముందుకు వస్తోంది. దీపావళి సందర్భంగా వెంకటేష్తో మీడియా ప్రత్యేకంగా సంభాషించింది.
దగ్గుబాటి కుటుంబం అంతా కలసి నటిస్తారని చెప్పుకొంటున్నారు.. అనే మ్యాటర్ పై మాట్లాడుతూ...అందరూ కలసి ఓ సినిమా చేద్దామని నాన్నగారు అడిగారు. రెండు మూడు కథలు కూడా విన్నా. కానీ నచ్చలేదు. కథ విషయంలో రాజీ పడను. ఎందుకంటే మా కుటుంబం అంతా కలసి నటిస్తుంటే ప్రేక్షకులు చాలా వూహిస్తారు. అందుకు ఏమాత్రం తగ్గకూడదు అని వివరించారు.
'మసాలా' రుచులు ఎలా ఉండబోతున్నాయనే విషయం మాట్లాడుతూ...పేరుకు తగ్గట్టు నోరూరించే సినిమా ఇది. కథ, కథనాల్లో ఎలాంటి గందరగోళం ఉండదు. నేనూ రామ్ కలసి చేస్తున్నామంటే జనాల్లో ఆసక్తి ఉంటుంది. దానికి తగ్గట్టే సినిమా వినోదాత్మకంగా సాగిపోతుంది. అక్కడక్కడ కొన్ని యాక్షన్ సన్నివేశాలు వస్తుంటాయి. మా ఇద్దరి పాత్రలు చాలా బాగా కుదిరాయి. ముఖ్యంగా రామ్ పాత్రలో రెండు పార్శ్వాలు ఉంటాయి. నా వేషధారణ, శరీరభాష, ఇంగ్లీష్ డైలాగులూ ఇవన్నీ నచ్చుతాయనే నమ్మకం ఉంది అన్నారు.
రీమేక్ గురించి చెప్తూ...రీమేక్ అన్నామని కాపీ పేస్ట్ చేస్తే కుదరదు. మాతృకను అర్థం చేసుకొని మన తెలుగువాళ్లకు చేరువయ్యేలా జాగ్రత్తలు తీసుకోవాలి. నా వరకూ ఏదైనా సినిమా రీమేక్ చేయాలనుకొంటే ఆ సినిమా నా స్నేహితులకూ, ఇంట్లోవాళ్లకూ చూపిస్తా. వాళ్లు ఎక్కడెక్కడ సినిమాను ఆస్వాదిస్తున్నారు? ఎక్కడ విసుగొచ్చింది? ఇలాంటి విషయాలు ఆరా తీస్తా. దాంతో మార్పులు చేసుకోవడం సులభం అవుతుంది. 'బోల్బచ్చన్' విషయంలోనూ అదే చేశాం అన్నారు.