స్టేజ్‌పై వెంకీ ఫన్నీ స్పీచ్.. అన్నయ్య పైనే సెటైర్.. పగలబడి నవ్విన సురేష్ బాబు

ఎంతో నేర్చుకున్నాను..

డైరెక్టర్ బాబీ మాట్లాడుతూ.. ఈ మూవీ కోసం తాను చాల కష్టపడ్డాడని, ఈ కథలో జెన్యూనిటీ ఉందని ఆయన అన్నాడు. ప్రతీరోజూ సురేష్ బాబు కథ, కథనాలకు సంబంధించి సూచనలు ఇవ్వడం, ఆయనతో కలిసి ప్రయాణం చేయడంతో ఎంతో నేర్చుకున్నానని తెలిపాడు. వెంకటేష్ కామెడీ టైమింగ్ గురించి అందరికీ తెలిసిందే.. ఈ సినిమాలోనూ ఆయన అద్భుతంగా నటించారు. నాగ చైతన్య సైతం ఎమోషనల్ సీన్స్‌లో చక్కగా నటించారు. కొత్త చైతును చూస్తారని పేర్కొన్నాడు. చైతు పాత్ర బాగా రావాలని వెంకటేష్, తన మామ పాత్ర బాగుండాలని చైతు ఇద్దరూ కోరుకున్నారని అన్నాడు.

Recommended Video

#CineBox : Taapsee Pannu Confirms Mithali Raj Biopic !

ప్రకాష్ రాజ్ అంటే భయపడ్డా..

సురేష్ బాబు మాట్లాడుతూ.. ఈ మూవీ కోసం మొదటగా ఎవరెవరినో అనుకున్నాము.. చివరకు వేరే వాళ్లు వచ్చారు.. అంతా చివరి నిమిషంలో ఓకే అయిందని చెప్పుకొచ్చాడు. ఈ మూవీలోని ఓ పాత్రకు ప్రకాష్ రాజ్ కావాలని డైరెక్టర్ అడిగాడని, ఆయనతో గొడవెందుకు అని తాను అన్నట్లు తెలిపాడు. అయినా సరే అతనే కావాలని దర్శకుడు అడిగాడని, అటుపై ఆ పాత్రకు ఆయన్ను తీసుకున్నామని చెప్పుకొచ్చాడు. కానీ ఆయన ఏ రోజు ఎవరినీ ఇబ్బంది పెట్టలేదని, సమయానికి వచ్చేవాడు, తన పనేదో తాను చూసుకునేవాడని, ఆ పాత్రకు ఆయనే కరెక్ట్ అని ఆ క్యారెక్టర్‌ను చేసినందుకు ప్రకాష్ రాజ్‌కు ధన్యవాదాలు తెలిపాడు. ఇంకా మిగతా నటీనటుల గురించి మాట్లాడుతూ అందరికీ థ్యాంక్స్ అని చెప్పాడు.

నా కెరీర్‌లో రెండే చిత్రాలు..

నాగ చైతన్య మాట్లాడుతూ.. తాను ఎన్ని సినిమాలు చేసినా తన లైఫ్‌లో గుర్తుండేవి రెండే చిత్రాలని అవి మనం, వెంకీమామ అని చెప్పుకొచ్చాడు. ఇవి రెండూ తన కుటుంబాలతో కలసి చేశానని, ఆ మెమోరీస్ ఎప్పటికీ అలానే ఉండిపోతాయని తెలిపాడు. ఈ చిత్రం అందరికీ ఎమోషనల్‌గా కనెక్ట్ అవుతుందని, అందరికీ నచ్చుతుందని అన్నాడు.

ఫన్నీ స్పీచ్‌తో నవ్వించిన వెంకీ

వెంకటేష్ మాట్లాడుతూ.. ‘దేవుడా.. ఓ మంచి దేవుడా.. చాలా థ్యాంక్స్ దేవుడా.. ఫైనల్ గా డిసెంబర్ 13న సినిమా వస్తోంది. చాలా రోజుల నుంచి వెయిట్ చేస్తున్నాను దేవుడా.. ఎప్పుడూ ఇంత టెన్షన్ లేదు. వెంకీ మామ అన్నారు.. మిలట్రీ నాయుడు అన్నారు... రిలీజ్ కు మాత్రం చాలా రోజులు తీసుకున్నారు. థ్యాంక్యూ సురేష్ ప్రొడక్షన్స్, థ్యాంక్యూ అన్నయ్య' అంటూ ప్రత్యేకమైన యాసలో మాట్లాడి అందర్నీ నవ్వించాడు. ఇక డైరెక్ట్‌గా తన అన్నయ్య, సురేష్ ప్రొడక్షన్స్‌పైనే వెంకీ సెటైర్ వేసేసరికి వేదిక కింద కూర్చున్న సురేష్ బాబు సైతం పగలబడి నవ్వేశాడు.