ఔను నాకు ఇండస్ట్రీ లో ఎఫైర్లున్నాయి, ఆ సినిమాలు నేనే వదులుకున్నా : వేణూమాధవ్

"నా గురించి ఎన్ని దుష్ప్రచారాలు జరిగినా ఊరుకున్నాను. కానీ ఏకంగా చనిపోయాడని వార్తలు వచ్చేసరికే తట్టుకోలేకపోయాను. అందుకే కేసులు పెట్టే వరకు వెళ్లాను. నేనేదో రెండు మూడు పెళ్లిళ్లు కూడా చేసుకున్నట్లు వార్తలు సృష్టించారు. కానీ అలాంటిదేమీ లేదు. నాకున్నది ఒకటే ఫ్యామిలీ. రెండు మూడు ఫ్యామిలీలేమీ లేవు. కానీ ఎఫైర్లు మాత్రం ఉన్నాయి.

అది ఒప్పుకుని తీరాలి. నాకు బయట చాలామంది అమ్మాయిలతో పరిచయాలున్నాయి. ఇండస్ట్రీలో మాత్రం అందరితోనూ సక్రమమైన సంబంధాలే ఉన్నాయి. హీరోయిన్లలో స్నేహ దగ్గర్నుంచి ఇప్పటి హీరోయిన్ల వరకు అందరితో మంచి రిలేషన్ ఉంది. ఇక నా ఆరోగ్యం గురించి ఎన్ని ప్రచారాలు చేశారో లెక్కలేదు. నాకు ఎయిడ్స్ అన్నారు. క్యాన్సర్ అన్నారు.

దంతా నేను రచ్చ షూటింగ్ సందర్భంగా కింద పడిపోవడంతో వచ్చిన సమస్య. ఆ ముందు రోజు రాత్రి డిన్నర్ చేయలేదు. ఉదయం టిఫిన్ చేయలేదు. వరుసగా షూటింగుల్లో పాల్గొనడం వల్ల కళ్లు తిరిగి కింద పడ్డాను తప్ప ఇంకేమీ కాదు" అని వేణుమాధవ్ అన్నాడు.

వేణుమాధవ్ పుట్టింది నల్గొండ జిల్లా లోని కోదాడ లో పుట్టాడు.తన కెరీర్ ని ఒక మిమిక్రీ ప్రోగ్రామ్స్ తో స్టార్ట్ చేసి చాల ఫేమస్ అయ్యాడు. ఒక ప్రోగ్రాం లో సీనియర్ ఎన్టీఆర్ ముందు వేణుమాధవ్ ఇచ్చిన మిమిక్రీ తో ఇంప్రెస్స్ అయ్యిన ఎన్టీఆర్ బ్రదర్ మీరు మూవీస్ లో ట్రై చేయండి ఫ్యూచర్ లో మంచి కమెడియన్ అవుతారు అని అనడం తో సీరియస్ గా మూవీస్ లో చాన్సులకోసం తీరగడం మొదలెట్టాడు .

అలా 1996 డైరెక్టర్ ఎస్వీ కృష్ణా రెడ్డి డైరెక్ట్ చేసిన సంప్రదాయం మూవీ ద్వారా తెలుగు తెరకి పరిచయం అయ్యాడు వేణు మాధవ్ , ఆ తరువాత 1997 లో చిరంజీవి నటించిన మాస్టర్ మూవీ లోను ఒక పాత్ర పోషించాడు.ఆ తరువాత వచ్చిన పవన్ కళ్యాణ్ నటించిన తొలి ప్రేమ సినిమాలో పవన్ కళ్యాణ్ ఫ్రెండ్ పాత్ర చేసి అందరిని మెప్పించి మంచి కమెడియన్ గా రాజ్యం మేలాడు .

అయితే తాను సినిమాలు చేయకపోవడానికి రెండు కారణాలు ఉన్నాయి అని చెప్పాడు. కొన్ని చిత్రాలు నేను వదులుకున్నా. ఇంకొందరు నన్ను అవాయిడ్ చేశారు. ఒకప్పుడు ఎలాంటి చిత్రలైనా చేసి ఉండొచ్చు. కానీ నా పిల్లలు పెద్దవాళ్లయ్యారు. వాళ్లు సినిమాలు చూసేటప్పుడు ఇబ్బంది పడకూడదు. నేను వాళ్ల ముందు తల దించుకోకూడదు. సో అందుకే ఇక బూతూ ఉన్న చిత్రాలు చేయకూడదనుకున్నా. అందుకే నా దగ్గరకి వచ్చిన అలాంటి సినిమాల్ని వదులకున్నా.

అయితే ఆ చిత్రాలకు సంబంధించిన వాళ్లు వేరే వాళ్లకు ఇంకో రకంగా చెప్పారు. అందే విధంగా చాన్స్ లు ఇచ్చే వారు వెనక్కి వెళ్లిపోయారు. అయిన నేను హ్యాపీ. ఒకప్పుడు రేయింబవళ్లు పని చేశా. తినడానికి టైం లేకుండా పని చేశాను. రోజుకు ఆరు షిఫ్టులు పని చేసిన ఏకైక నటుడిని నేనేనేమో.

ఇప్పుడు కూడా చిత్రాలు ఎంచుకునే విషయంలో నేను పెట్టుకున్న నియమాలు దాటట్లేదు. పవన్ కళ్యాణ్ 'కాటమరాయుడు' సినిమాతో రీఎంట్రీ ఇవ్వబోతున్నా. పవన్ తో మరో సినిమా కూడా చేసే చాన్స్ కూడా ఉందని తెలిపాడు వేణుమాధవ్. మళ్ళీ పాత వేణూ మాధవ్ గా తన మార్కు కమేడీ తో ఆకట్టుకుంటాననే నమ్మకంతో ఉన్న వేణూ మళ్ళీ తన కెరీర్ ని సక్సెస్ఫుల్ గానే కొనసాగించాలని కోరుకుంటున్నారు అతని అభిమానులు