twitter
    For Quick Alerts
    ALLOW NOTIFICATIONS  
    For Daily Alerts

    విడుదల కాక ముందే 'విక్టరీ' కి విక్టరీ

    By Staff
    |

    Victory
    ఈ మధ్య రీమేక్ రైట్స్ పరంగా తెలుగు పరిశ్రమకు మంచి రోజులు వచ్చాయి . బొమ్మరిల్లు, గమ్యం, ఆడువారిమాటలకు అర్ధాలే వేరులే, చందమామ చిత్రాలు తమిళం లోకి వెళ్ళటంతో మన వాళ్ళకీ ధైర్యం వచ్చింది. అంతేగాక ఆ పరిశ్రమవారు కూడా ఇక్కడ రిలీజయ్యే ప్రతీ సినిమాపై ఒక కన్నేసి ఉంచుతున్నారు. ఇక అక్కడ మెగా హీరో అయిన విజయ్ అయితే తెలుగులో ఏ సినిమా రిలీజవుతుందా...దాని రీమేక్ రైట్స్ తీసుకుందామా అని మన రాజశేఖర్ లా ఆవురావురుమంటూ ఉంటాడు. తాజాగా ఆ హీరో ఒక రిలీజు కాని చిత్రం లో కథ,పాత్ర తెలుసుకుని రైట్స్ తీసుకున్నాడు.

    అది నితిన్ నటించిన విక్టరీ కావటం విశేషం. దాదాపుగా వరస ఫ్లాపుల్లో ఉన్న నితిన్ కి ఇది మనో ధైర్యాన్నిస్తోందిట. ఎందుకంటే విడుదల కాకముందే ఒక తెలుగు సినిమా తమిళ రీమేక్ హక్కులు అమ్ముడవటం అంటే మాటలు కాదు. రవి సి. కుమార్ దర్శకత్వంలో ఆర్.ఆర్. మూవీ మేకర్స్ బానర్‌పై వెంకట్ ఈ సినిమాను నిర్మిస్తున్నారు. నితిన్ సరసన మమతా మోహన్‌దాస్ నటించిన ఈ చిత్రంలో శశాంక్, సింధూ తులానీ మరో జంట. ల్యాండ్ మాఫియా నేపథ్యంలో నడిచే ఈ సినిమాలో నితిన్ సిక్స్ ప్యాక్ బాడీతో కనిపించనున్నాడు. సినిమాలో అతని పాత్ర, యాక్షన్ సన్నివేశాలు హైలైట్ అవుతాయని తెలుస్తోంది. కాగా ఈ సినిమా గురించి విన్న తరువాతే హీరో విజయ్, తమిళంలో ఆ సినిమా చేయాలని నిర్ణయించుకున్నాడు. హక్కులు కూడా తీసుకున్నాడు. కాగా 'విక్టరీ" జూన్ 22న విడుదల కానున్నది. యేదేమైనా విక్టరీ రిలీజు కాక ముందే విక్టరీ సాధించినట్లయింది.

     
    న్యూస్ అప్ డేట్స్ వెంటనే పొందండి
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X