తండ్రి నమ్మకాన్ని నిలబెట్టేలా..అర్జున్ రెడ్డి గెటప్‌లో విక్రమ్ కొడుకుని చూస్తే షాకే!

టాక్ ఆఫ్ ది టౌన్ గా మారిన అర్జున్ రెడ్డి

అర్జున్ రెడ్డి చిత్రం విడుదలైన తరువాత సంచనల విజయం సాధించింది. చిన్న చిత్రం గా బాక్స్ ఆఫీస్ ముందుకు వచ్చిన ఈ చిత్రం యునానిమస్ టాక్ తో పెద్ద హిట్ సాధించింది.

వివాదాలు చుట్టుముట్టినా

ఈ చిత్రాన్ని వివాదాలు చుట్టుముట్టినా వాటన్నింటిని తట్టుకుని ఘనవిజయం సాధించడం విశేషం.

రీమేక్ హక్కుల కోసం

ఈ చిత్రం సాధించిన విజయం దేశవ్యాప్తంగా హాట్ టాపిక్ గా మారింది. దీనితో పలు భాషల నిర్మాతలంతా రీమేక్ హక్కుల కోసం ఎగబడ్డారు.

విక్రమ్ కొడుకు ధృవ్ హీరోగా

తమిళంలో అర్జున్ రెడ్డి చిత్రాన్ని విక్రమ్ కొడుకు ధృవ్ హీరోగా రీమేక్ చేస్తున్నారు. తమిళ దర్శకుడు బాల ఈ చిత్రానికి తెరకెక్కిస్తున్నారు. వర్మ అనే టైటిల్ తో ఈ చిత్రం రాబోతోంది.

అర్జున్ రెడ్డి లుక్ లో అదిరిపోయాడు

ధృవ్ డెబ్యూ మూవీ ఇదే. అర్జున్ రెడ్డి చిత్రంలో విజయ్ దేవర కొండా గడ్డం లుక్ లో కనిపించిన సంగతి తెలిసిందే. ఈ చిత్రంలో కూడా ధృవ్ గడ్డం లుక్ లో కనిపించనున్నాడు. రీసెంట్ గా విక్రమ్ తన కుమారుడు లేటెస్ట్ లుక్ ని ఇంస్టాగ్రామ్ లో పోస్ట్ చేసాడు. గడ్డం లుక్ లో ధృవ్ అబ్బురపరిచే విధంగా మారిపోయాడు.

రెండేళ్ల తరువాతే అనుకున్నాడట

తన కొడుకు ధృవ్ ని మరో రెండేళ్ల తరువాతే సినిమాల్లోకి లాంచ్ చేయాలనీ తాను భావించానని ఇటీవల విక్రమ్ తెలిపాడు. కానీ అర్జున్ రెడ్డి చిత్రం చూసాక తన కుమారుడిని లాంచ్ చేయడానికి ఇదే సరైన చిత్రం అని భావించానని విక్రమ్ తెలిపాడు.

ఆయన్ని రిక్వస్ట్ చేశా

ఈ చిత్రానికి దర్శకత్వం వహించవలసిందిగా ప్రముఖ దర్శకుడు బాలని తానే రిక్వస్ట్ చేసి ఒప్పించినట్లు విక్రమ్ తెలిపాడు.

తండ్రి నమ్మకాన్ని నిలబెట్టేలా

విక్రమ్ ని రీసెంట్ గా గడ్డం లుక్ లో చూసిన వారంతా తండ్రి పెట్టుకున్న నమ్మకాన్ని నిలబెట్టేలా ఉన్నాడని కితాబు ఇస్తున్నారు. చూద్దాం వర్మ పాత్రలో ధృవ్ నటన ఎలా ఉంటుందో!