హోమ్

న్యూస్

హైదరాబాద్: రామ్ గోపాల్ వర్మ దర్శకత్వంలో మోహన్ బాబు, మంచు విష్ణు ప్రధాన పాత్రల్లో తెరకెక్కుతున్న చిత్రం 'రౌడీ'. హై ఓల్టేజ్ యాక్షన్ ఎంటర్టెనర్‌గా తెరకెక్కుతున్న ఈ చిత్రం ఫస్ట్ లుక్ ట్రైలర్ విడుదలైంది. హీరో మంచు విష్ణు అమెరికాలోని న్యూజెర్సీలో ఇందుకు సంబంధించిన ట్రైలర్ విడుదల చేసారు.

మోహన్‌బాబు కుటుంబ సన్నిహితులు పార్ధసారధి, గజేంద్ర, విజయ్ కుమార్ సంయుక్తంగా నిర్మిస్తున్నారు. రాయలసీమ ఫ్యాక్షన్ నేపధ్యంలో నిర్మిస్తున్న ఈ చిత్రంలో మోహన్‌బాబు విగ్ లేకుండా విలక్షణమైన పాత్రలో నటించడం గమనార్హం. మోహన్ బాబుకు జోడీగా జయసుధ, మంచు విష్ణుకు జోడీగా శాన్వి నటిస్తున్న ఈచిత్రానికి సాయికార్తీక్ సంగీతం అందిస్తున్నారు.

ఈ చిత్రానికి సంబంధించి ఫోస్ట్ ప్రొడక్షన్ పనులు వేగంగా జరుగుతున్నాయి. ఈ సినిమాని రాయలసీమ బ్యాక్ డ్రాప్ లో పవర్‌ఫుల్ యాక్షన్ అండ్ పొలిటికల్ ఎంటర్టైనర్‌గా తెరకెక్కిస్తున్నారు. ఎమోషన్ సీన్లతో పాటు హై ఓల్టేజ్ సన్నివేశాలు ఇందులో ఉంటాయని తెలుస్తోంది. ఈ చిత్రం తుది దశకు చేరుకొంది. వచ్చే నెలలో ప్రేక్షకుల ముందుకు తీసుకొస్తారు.

సినిమాలో మోహన్ బాబు పెద్ద కుమారుడుగా కన్నడ కిషోర్, రెండవ కుమారుడుగా మంచు విష్ణు నటిస్తున్నట్లు సమాచారం. వర్మ కు అత్యంత ఇష్టమైన గాడ్ ఫాధర్ పోలికలతోనే ఈ చిత్రం తెరకెక్కుతోందని ఫిల్మ్ సర్కిల్స్ లో వినపడుతోంది. ఇక ట్రైలర్‌‌పై ఓ లుక్కేయండి.

<center><iframe width="100%" height="360" src="//www.youtube.com/embed/DhWjOPVg40c?feature=player_detailpage" frameborder="0" allowfullscreen></iframe></center>