Don't Miss!
- News TTD: తిరుమలలో ఆ సేవలు రద్దు, శ్రీరాముడి ఊరేగింపుకు ప్రత్యేక ఏర్పాట్లు
- Sports Gautam Gambhir: నిద్రలో కూడా ఆర్సీబీనే కలవరిస్తా..! వీడియో
- Technology 32MP+32MP సెల్ఫీ కెమెరాలతో షియోమీ కొత్త స్మార్ట్ఫోన్.. స్పెసిఫికేషన్లు, ఫీచర్ల వివరాలు..!
- Lifestyle Human Brain Size రోజు రోజుకు పెరుగుతున్న మానవ మెదడు సైజు, రాబోవు కాలంలో బహుషా ఈ వ్యాధులు ఉండవకపోవచ్చు..
- Automobiles భారత్లో లాంచ్ అయిన సుజుకి కొత్త బైక్ ఇదే.. ధర ఎంతో తెలుసా?
- Finance Shapoorji Pallonji IPO: షాపూర్జీ పల్లోంజీ గ్రూప్ నుంచి భారీ ఐపీఓ..
- Travel నహర్ఘర్ కోట దెయ్యాల కోటగా ఎందుకు మారింది? ఈ స్టోరీ తెలిస్తే ఆశ్చర్యపోతారు!
యంగ్ హీరో మృతి : హత్యా? ఆత్మహత్యా??
బెంగళూరు : కన్నడ చిత్ర పరిశ్రమకు చెందిన యంగ్ హీరో జంగిల్ జాకీ రాజేష్ (26) దుర్మరణం చెందాడు. ఆదివారం ఉదయం నగర శివార్లలోని పరసయ్యనహుండిలో మూడో అంతస్తు నుంచి కింద పడడంతో తలకు బలమైన గాయాలయ్యాయి. రాజేష్ను వెంటనే నగరంలోని ప్రైవేటు ఆసుపత్రికి తరలించినా ఫలితం లేకపోయింది.
అయితేఈసంఘటనపై పలు అనుమానాలు తలెత్తుతున్నాయి. భవనం నుంచి జారి పడ్డాడా.. ఆత్మహత్య చేసుకున్నాడా? అనేది ప్రశ్నార్థకంగా మారింది. రాజేష్ ఇటీవల తీవ్ర మానసిక అస్వస్థతకు లోను కావడం గమనార్హం. జిల్లాలోని నాగరహొళె కాకనకోట విభాగంలోని గిరిజన తండాకు చెందిన రాజేష్ ప్రైవేట్ ఛానల్ నిర్వహించిన 'హళ్లి హైద ప్యాటెకె బంద' రియాలిటీ షోతో కన్నడ బుల్లితెర ప్రేక్షకులకు పరిచయం అయ్యాడు.
అందులో రాజేష్ అభినయం అందరినీ ఆకట్టుకుంది. జంగిల్ జాకీ సినిమాలో అవకాశాన్ని తెచ్చిపెట్టింది. రియాలిటీ షోలో జంటగా నటించిన రాజేష్, ఐశ్వర్యలే జంగిల్ జాకీలో కూడా జంటగా నటించారు. రెండేళ్లుగా ఆ సినిమా విడుదలకు నోచుకోలేదు. చివరకు గత సెప్టెంబరు 20న విడుదలైనప్పటికీ ప్రేక్షకాదరణను నోచుకోలేదు. దీంతో మానసిక అస్వస్థతకు గురయ్యాడు.
అప్పట్లో రాజేష్ను పవర్స్టార్ పునీత్రాజ్కుమార్, చిత్రపరిశ్రమకు చెందిన అనేక మంది సాంత్వన పలికి.. ఆత్మస్త్థెర్యాన్ని కల్గించారు. ఆరు నెలలుగా నగర శివార్లలోని పరసయ్యనహుండి గ్రామంలో ఇల్లు అద్దెకు తీసుకుని జీవిస్తున్నాడు. జంగిల్ జాకీ తరువాత లవ్ఈజ్ పాయిజన్ సినిమాలో అవకాశం లభించింది.
ఇప్పటికే ఈ సినిమా చిత్రీకరణ పూర్తయింది. సోమవారం నుంచి డబ్బింగ్ ప్రక్రియను చేపట్టాలని నిర్ణయించగా ఈ హఠాత్పరిణామం చోటుచేసుకుందని దర్శకుడు నందన్ ప్రభు తెలిపారు. పోలీసులు కేసు నమోదు చేసుకుని ప్రమాదవశాత్తు జారిపడ్డాడా? ఆత్మహత్య చేసుకున్నాడా? అనే కోణంలోదర్యాప్తు చేస్తున్నారు.