Don't Miss!
- Sports సూపర్ సండే: సునామీ సన్రైజర్స్ను ఢీకొట్టేదెవరు: నెక్స్ట్ మ్యాచ్ డీటెయిల్స్ ఇవే
- News గంటాకు సీటు ఖరారు - టీడీపీ తుది జాబితా విడుదల, లిస్టులో..!!
- Automobiles కొత్త స్కూటర్ కొనేవారికి గుడ్ న్యూస్.. ఏథర్ రిజ్టా ప్రీ బుకింగ్లు ప్రారంభం.. రూ. 999 చెల్లిస్తే చాలు
- Travel గుడ్ప్రైడే రోజున లాంగ్వీకెండ్ ప్లాన్ చేస్తున్నారా? అయితే ఈ ప్లేస్లు చూసేయండి...
- Finance ICICI: ఐసీఐసీఐ బ్యాంక్ డివిడెండ్ ప్రకటిస్తుందా..!
- Lifestyle అమ్మాయిలూ! హెయిర్ స్ట్రెటనింగ్, కలరింగ్ అంటూ హెయిర్ స్టైల్ కు పోతే ..కిడ్నీలు పోతాయి..జాగ్రత్త సుమీ..!
- Technology వాట్సాప్ కాలింగ్ ఫీచర్ వినియోగిస్తున్నారా.. అయితే ఈ అప్డేట్ మీకోసమే..!!
"గరుడ వేగ" నిర్మాత ఎక్కడ ఉన్నాడు? ఆ విభేదాలే కారణమా?
గరుడ వేగ టీమ్ చేస్తున్న సక్సెస్ మీట్లలో ఈ సినిమా నిర్మాత కోటేశ్వరరాజు మాత్రం ఎక్కడా కనిపించలేదు. అతను ముందు నుంచి కూడా ఈ చిత్ర ప్రమోషన్లలో పెద్దగా కనిపించింది లేదు.
Recommended Video
గత వారం రోజులుగా టాలీవుడ్ టాప్ టాక్స్ లిస్ట్లో మొదట ఉన్నది 'గరుడవేగ' సినిమానే. పెద్దగా అంచనాలు లేకుండా విడుదలైన ఈ సినిమా మంచి టాక్ తెచ్చుకుంది. తెలుగులో వచ్చిన బెస్ట్ థ్రిల్లర్లలో ఒకటిగా గుర్తింపు సంపాదించింది. ఇప్పటివరకూ వచ్చిన రాజశేఖర్ కెరీర్ బెస్ట్ సినిమాల్లో ఒకటిగా కూడా అనిపించుకుంది. ఐతే ఈ టాక్కు తగ్గట్లుగా ఈ సినిమా వసూళ్లు లేకపోవడం చిత్ర బృందానికి నిరాశ కలిగిస్తున్న విషయం.
నిరాశలోనే
డబ్బుల పరంగా నిరాశ పరిచినప్పటికీ అయినప్పటికీ ఆ నైరాశ్యాన్ని బయటికి కనిపించనివ్వకుండా ఉత్సాహంగా సక్సెస్ మీట్ పెట్టి తమ ఆనందాన్ని పంచుకున్నారు రాజశేఖర్ అండ్ టీమ్. ఇప్పటికీ వసూళ్ళ విషయం నిరాశలోనే ఉన్నట్టు సమాచారం. పోయిన వారం రిలీజైన రాజశేఖర్ సినిమా ‘గరుడవేగ'కు మంచి టాక్ వచ్చింది.
కేవలం రూ.65 లక్షల షేర్
రివ్యూలు బాగున్నాయి. మౌత్ టాక్ బాగా స్ప్రెడ్ అయింది. అయినా ఏం లాభం.. ఆశించిన స్థాయిలో వసూళ్లు రాలేదు. తొలి రోజు ఆ చిత్రానికి కేవలం రూ.65 లక్షల షేర్ వచ్చింది. ఇది షాకింగ్ విషయమే. ఆ తర్వాత కొంచెం వసూళ్లు పుంజుకున్నప్పటికీ ఈ సినిమా మీద పెట్టిన భారీ పెట్టుబడికి తగ్గట్లుగ అయితే వసూళ్లు లేవు.
కేవలం 300 థియేటర్లు
దీనికి ముఖ్య కారణం ఈ సినిమాకు ఆశించిన స్థాయిలో థియేటర్లు దొరక్కపోవడమే. ఈ చిత్రాన్ని కేవలం 300 థియేటర్లలోనే రిలీజ్ చేశారు. ఈ సినిమా స్థాయికి ఇది చాలా చిన్న నంబరే. దీనికి ఇచ్చిన థియేటర్లు కూడా అంత గొప్పవేమీ కాదు. తెలుగు రాష్ట్రాల్లో చాలా చోట్ల ఈ సినిమాకు మంచి థియేటర్లు ఇవ్వలేదన్న ఆరోపణలున్నాయి.
నిర్మాత కోటేశ్వరరాజు
రెండో రోజు నుంచి థియేటర్లు, షోలు పెంచినా.. అవి సరిపోలేదు. దీంతో టాక్ కు తగ్గట్లుగా వసూళ్లు రాలేదు. ఈ విషయం పక్కన పెడితే ఇప్పుడు గరుడ వేగ టీమ్ చేస్తున్న సక్సెస్ మీట్లలో ఈ సినిమా నిర్మాత కోటేశ్వరరాజు మాత్రం ఎక్కడా కనిపించలేదు. అతను ముందు నుంచి కూడా ఈ చిత్ర ప్రమోషన్లలో పెద్దగా కనిపించింది లేదు.
పాతిక కోట్లకు పైగా ఖర్చు పెట్టిన నిర్మాత
ట్రైలర్ లాంచ్ కార్యక్రమంలో మాత్రం ఒకసారి అలా వేదిక మీదికి వచ్చి రాజశేఖర్ పక్కన కనిపించాడు. ఆ వేడుకలో ఆయన ఎక్కడా లీడ్ తీసుకున్నది లేదు. ఈ సినిమాపై ఏకంగా పాతిక కోట్లకు పైగా ఖర్చు పెట్టిన నిర్మాత ఎందుకు లైమ్ లైట్లోకి రావడం లేదన్నది అర్థం కావడం లేదు.
రాజశేఖర్ ఫ్యామిలీ
ఈ సినిమాను కోటేశ్వరరాజు మధ్యలో వదిలేస్తే.. రాజశేఖర్ ఫ్యామిలీ టేకప్ చేసి పూర్తి చేసిందని.. రిలీజ్ వ్యవహారాలు కూడా వాళ్లే చూసుకున్నారని వార్తలొచ్చాయి. ఫైనాన్స్ వ్యవహారంలో కూడా రాజశేఖర్ తన సొంత ఫ్లాట్ తాకట్టు పెట్టి మరీ డబ్బులు సర్దినట్టుకూడా చెప్పారు.
విభేదాల వల్లే
మరి ఈ విషయమై విభేదాల వల్లే నిర్మాత తెరముందుకు రావడం లేదా. లేక సరైన స్థాయిలో వసూళ్ళు కనిపించకపోవటంతో నిరాశలో పక్కకు తప్పుకున్నారా అన్నది మాత్రం అర్థం కావటం లేదు.