థ్రిల్లింగ్ గా ఉంది...! నిఖిల్ "కేశవ", కుడిపక్క గుండె., పగ కోసం, ప్రాణం తో

ఎక్కడికీ పోతావు చిన్నవాడా:

పెద్ద నోట్ల రద్దు తరువాత రిలీజ్ అయి ఘన విజయం సాధించిన తొలి సినిమా ఎక్కడికీ పోతావు చిన్నవాడా. నిఖిల్ హీరోగా తెరకెక్కిన ఈ సినిమా మంచి వసూళ్లను సాధించటంతో పాటు ఈ యంగ్ హీరో కెరీర్ లోనే బిగెస్ట్ హిట్ గా నిలిచింది. 30 రోజుల్లో 38 కోట్లకు పైగా వసూళ్లు సాధించిన ఎక్కడికీ పోతావు చిన్నవాడా 2016 కి ఒక కిక్ ఇచ్చింది.

కేశవ:

ఎక్కడికీ పోతావు చిన్నవాడా సూపర్ హిట్ కావటంతో నిఖిల్ చేయబోయే నెక్ట్స్ సినిమా పై ఆసక్తి నెలకొంది. అందుకు తగ్గట్టుగా మరో ఇంట్రస్టింగ్ సినిమాతో ప్రేక్షకుల ముందుకు వస్తున్నాడు నిఖిల్. తన కెరీర్ ను మలుపు తిప్పిన స్వామి రారా చిత్ర దర్శకుడు సుదీర్ వర్మ దర్వకత్వంలో కేశవ అనే క్రైం థ్రిల్లర్ లో నటిస్తున్నాడు.

ఎంతవరకూ వీలైతే అంత :

యువత లాంటి సినిమా వచ్చినప్పుడు ని ఖిల్ కూడా ఒక మాస్ హీరో అవ్వాలన్న కోరికతోనే ఉన్నాడు. కానీ తర్వాతే అర్థమయ్యింది మూసపాత్రలతో ఇక్కడ నిలబడలేం అని తన స్థాయిలో ఎంతవరకూ వీలైతే అంత వైవిధ్యభరితమైన పాత్రలనే చేస్తూ వచ్చాడు. ఇప్పుడు చేయబోతున్న సినిమాకూడా మరింత వింత సబ్జెక్టే ఇంతకీ ఇప్పుడీ "కేశవ" మెయిన్ లైన్ వింటే ఎవ్వరికైనా ఆసక్తి కలగక మానదు..

ఫార్ములా సినిమాలు:

మొదట్లో వరుసగా ఫార్ములా సినిమాలు చేసినా ఆ తర్వాత రూట్‌ మార్చి కథల ఎంపికలో వైవిధ్యాన్ని ప్రదర్శిస్తున్నాడు యంగ్‌ హీరో నిఖిల్‌. ‘స్వామిరారా', ‘కార్తికేయ', ‘ఎక్కడికి పోతావు చిన్నవాడా' సినిమాలతో తెలుగు ప్రేక్షకులకు విభిన్నమైన కథలు వినిపించి ఘనవిజయాలను తన ఖాతాలో వేసుకున్నాడు.

వెరైటీగా :

ఇప్పుడు నిఖిల్‌ తాజాగా చేస్తున్న సినిమా ‘కేశవ'. ఈ సినిమా కథ కూడా చాలా వెరైటీగా ఉంది. కథ ప్రకారం నిఖిల్‌ రాజమండ్రిలోని ఓ కాలేజ్‌ స్టూడెంట్‌. అయితే అతనికో సమస్య ఉంటుంది. అందరికీ ఉన్నట్టు కాకుండా అతనికి గుండె కుడివైపు ఉంటుంది. దీంతో ఎన్నో ఇబ్బందులు ఎదుర్కొంటాడు.

కనీసం టెన్షన్‌ పడకుండా:

ముఖ్యంగా ఎట్టి పరిస్థితుల్లోనూ కోపం తెచ్చుకోకూడదు. ఏ మాత్రం టెన్సన్‌ పడినా అతని పరిస్థితి అంతే. అలాంటి వ్యక్తి కొంతమంది మీద పగ తీర్చుకోవాల్సిన పరిస్థితి తలెత్తుతుంది. కనీసం టెన్షన్‌ పడకుండా, కోపం తెచ్చుకోకుండా ఎలా పగతీర్చుకున్నాడన్నదే కథ.

వెరైటీ స్టోరీ:

అందుకే ఈ సినిమాకు ‘పగ అనే వంటకాన్ని చల్లగా ఉన్నప్పుడు వడ్డిస్తేనే బాగుంటుంది' అనే ట్యాగ్‌లైన్‌ పెట్టారు. మరోసారి, వెరైటీ స్టోరీతో ప్రేక్షకుల ముందుకు వస్తున్న నిఖిల్‌ మరో విజయాన్ని అందుకునేందుకు రెడీ అయిపోతున్నాడన్నమాట. 'ఎక్కడికిపోతావు చిన్నివాడా' తర్వాత నిఖిల్ చేస్తోన్న చిత్రం 'కేశవ'.

స్వామి రారా:

సుదీర్ వర్మ దర్శకుడు. ఇప్పటికే వీరి కలయికలో 'స్వామి రారా' వచ్చి హిట్ చిత్రంగా నిలిచింది. 'కేశవ' మరో వైవిధ్యమైన కథతో వస్తోంది.ఇప్పటికే 80 శాతం షూటింగ్ పూర్తి చేసుకున్న ఈ సినిమా ఫస్ట లుక్ పోస్టర్ రిలీజ్ అయ్యింది. ప్రీ లుక్ పోస్టర్ తో ఇదో క్రైం థ్రిల్లర్ అన్న హింట్ ఇచ్చిన నిఖిల్

పెద్దహీరో:

ఫస్ట్ లుక్ తో సినిమా జానర్ ఏంటో కన్ఫామ్ చేసేశాడు. ఇక ఈ సినిమా కూడా పక్కాగా నడపగలిగితే నిఖిల్ ఇంకో హిట్ కొట్టెసినట్టే శర్వానంద్, నానిల్లాగ తనకంటూ ఒక స్పెషల్ మార్క్ వేసుకోవటానికి దగ్గరగా ఉన్న ఈ హీరో టాలీవుడ్ చిన్న నిర్మాతలకి పెద్దహీరోలా అయిపోతున్నాడు.