ఆత్మ, జీవాత్మ, పరమాత్మ ఇదే 'పంచాక్షరి'

ఆత్మ, జీవాత్మ, పరమాత్మ ఇదే 'పంచాక్షరి'కథ అని కథారచయిత విప్పర్తి మధు చెప్పారు. అనుష్క నటిస్తున్న మరో లేడీ ఓరియెంటెడ్‌ చిత్రం 'పంచాక్షరి'. సముద్ర దర్శకత్వంలో బొమ్మదేవర రామచంద్రరావు (చంద్ర) ఈ చిత్రాన్ని నిర్మిస్తున్న జూన్‌ 4న రిలీజ్ కానుంది. ఈ సందర్భంగా ఏర్పాటు చేసిన మీడియా సమావేశంలో చంద్ర మాట్లాడుతూ" ఇప్పటి వరకు ఈ సినిమా గురించి ఎక్కడా కూడా నేను అంచనాలు పెరిగే విధంగా మాట్లాడలేదు. కానీ సినిమా మొత్తం చూసిన తర్వాత ఈ రోజు తప్పకుండా సూపర్‌ హిట్‌ అవుతుందనే కాన్ఫిడెన్స్‌తో మాట్లాడుతున్నాను. ఈ చిత్రం వందరోజుల పండుగను అక్టోబర్‌ 12న చేస్తాం. సినిమా విజయంపై మాకున్న నమ్మకానికి ఇది తార్కాణం అన్నారు. ఈ రోజు నేను నిర్మాతగా మారటానికి కారణమైన నాగార్జునకు, కథానాయిక అనుష్కకు నేను జీవితాంతం రుణపడి వుంటాను' అన్నారు.