Don't Miss!
- Automobiles కారులో ఎక్కువ సౌండ్తో మ్యూజిక్ వింటూ వెళ్తున్నారా.. మీ కారు ప్రమాదానికి గురయ్యే అవకాశం ఎక్కువ.. ఎందుకంటే??
- News మండుటెండల్లో నారాయణ విద్యాసంస్థల సిబ్బందికి ఎన్నికల కష్టం!!
- Lifestyle రాత్రిపూట అలర్జీలు పెరుగుతున్నాయా? ఈ నియమాలు పాటిస్తే నిద్ర తేలికగా వస్తుంది
- Sports T20 వరల్డ్ కప్కు భారత తుదిజట్టు ఇదే - సెహ్వాగ్
- Finance Market Closing: లాభాల్లో ముగిసిన సెన్సెక్స్-నిఫ్టీ.. స్పీడు పెంచిన బుల్స్..
- Travel కేవలం రూ. 5వేలతో హిమాచల్ప్రదేశ్లోని ఈ ప్రాంతాలను చుట్టేయొచ్చు..!
- Technology Realme నుంచి రెండు కొత్త ఫోన్లు లాంచ్ అయ్యాయి! ధర రూ.11,999 కే మొదలు
Samrat Prithviraj ఓటీటీలో ఎప్పుడు? ఎక్కడ రిలీజ్ అంటే.. అక్షయ్ కుమార్ సినిమా దారుణంగా!
బాలీవుడ్ సూపర్ స్టార్ అక్షయ్ కుమార్, ప్రముఖ దర్శకుడు చంద్రప్రకాశ్ ద్వివేది దర్వకత్వంలో రూపొందిన సామ్రాట్ పృథ్వీరాజ్ చిత్రం భారీ అంచనాల మధ్య జూన్ 3వ తేదీన ప్రేక్షకుల ముందుకు వచ్చింది. చారిత్రాత్మక నేపథ్యంతో రూపొందిన ఈ చిత్రం ప్రేక్షకులను, సినీ విమర్శకులను పూర్తిస్థాయిలో మెప్పించలేకపోయింది. దాంతో ఈ సినిమా కలెక్షన్లు బాక్సాఫీస్ వద్ద పేలవంగా నమోదు అవుతున్నాయి.
Recommended Video
సామ్రాట్ పృథ్వీరాజ్ చిత్రం తొలి రోజున అంటే శుక్రవారం 10.70 కోట్లు, శనివారం 12.60 కోట్లు, ఆదివారం 16.10 కోట్లు, సోమవారం ఈ చిత్రం 5 కోట్లు రాబట్టింది. దాంతో ఈ చిత్రం ఇండియా వైడ్గా 44.4 కోట్లు వసూలు చేసింది. అయితే ఊహించని విధంగా సోమవారం ఈ చిత్ర కలెక్షన్లు భారీగా పడిపోయాయి.
బాక్సాఫీస్ వద్ద పేలవమైన ప్రదర్శన చేస్తుండటంతో సామ్రాట్ పృథ్వీరాజ్ చిత్రం ఓటీటీ రిలీజ్ ఎప్పుడనే ఆసక్తి నెటిజన్ల పెరుగుతున్నది. ఈ సినిమా అమెజాన్ ప్రైమ్ వీడియోతో ఓటీటీ రిలీజ్ కోసం ఒప్పందం కుదుర్చుకొన్నది. యష్ రాజ్ ఫిలింస్ రూపొందించిన ఈ చిత్రం థియేట్రికల్ రన్ ముగిసిన తర్వాత ఓటీటీలో రిలీజ్ చేసేందుకు ప్లాన్ చేస్తున్నది. అయితే అమెజాన్తో ఒప్పందం ప్రకారం నాలుగు వారాల తర్వాత ఈ సినిమా ఓటీటీలోకి రానున్నది.
గతంలో యష్ రాజ్ ఫిలింస్ రూపొందించిన బంటీ ఔర్ బబ్లీ చిత్రం నవంబర్ 19న రిలీజైంది. అయితే నాలుగు వారాల తర్వాతే ఆ సినిమాను ఓటీటీలో రిలీజ్ చేశారు. ఇప్పుడు సామ్రాట్ పృథ్వీరాజ్ సినిమాను కూడా నాలుగు వారాల తర్వాత అంటే.. జూలై 1వ తేదీన అమెజాన్ ప్రైమ్ వీడియోలో రిలీజ్ అయ్యే అవకాశం ఉంది. అయితే థియేటర్లలో ఈ సినిమా రన్ త్వరగా ముగిస్తే.. తొందర్లోనే ఈ సినిమా ఓటీటీలోకి వచ్చే అవకాశం లేకపోలేదు అని అంటున్నారు